MOST WANTED MITAHAN:
Si Jeric Torres, alyas A-ay (tuo), 35, mitahan na usab ngadto kang Ronda Vice Mayor Jonah John Ungab (wala) human niya masayri nga duna siyay warrant of arrest sa kasong murder. Siya ang no. 1 most wanted sa lungsod sa Ronda, Sugbo. Si Torres, kinsa giingong gun-for-hire, nitahan na sa miaging buwan ngadto sa mga opisyal sa lungsod.
Number 1 most wanted person sa lungsod sa Ronda nga nitahan na sa iyang kaugalingon sa miaging buwan uban sa iyang pamilya nasikop human malutsi og
warrant of arrest sa kasong murder.
Niadtong Septiyembre 14 nitahan sa Ronda police station si Jeric Torres alyas A-ay, 35, taga Sitio Campo, Barangay Ilaya, Ronda dala ang iyang taas nga kalibre sa armas.
Siya maoy gitumbok nga responsabli sa nahitabong pinusilay sa ilang barangay diin dunay mga kinabuhi nga nakalas nunot sa away sa iyang ig-agaw nga gipangita usab sa kapulisan nga si Jake Omboy.
Niadtong Oktubre 1, nipagawas og arrest warrant ang korte pinaagi ni Judge Leopoldo Cañete sa RTC branch 60 sa lungsod sa Barili batok kang Torres sa kasong murder diin siya ang gitumbok nga nagpusil sa kabanay sa higpit niyang kaaway.
Si Supt. Joie Yape, kasamtangang hepe sa Ronda police station, nagkanayon nga human nila madawat ang warrant gikan sa korte ila dayon nga giromba ang panimay ni Torres apan wala nila kini maabti.
Apan human masayod nga dunay mga police nga nangita kaniya nagpatabang ni sa bise mayor sa maong lungsod aron motahan sa iyang kaugalingon.
“Pag- serve nato sa warrant wala siya sa balay nya pagkahibawo niya nga naa diay siyay warrant niadto dayon siya kang vice mayor ug ni- surrender,” matod ni Yape. Gihimakak hinuon ni Torres nga siya ang nagpatay sa kabanay ni Omboy sa poblacion sa Ronda ug siya nagtuo nga gipasanngil lang kini kaniya aron madugangan ang kaso.
Si Torres nabutang usab sa ika nom nga most wanted sa tibuok rehiyon 7 uban ni Jake Omboy.
Gipahibawo ni Col. Yape nga duna na silay impormasyon nga milayas paingun sa Mindanao si Omboy apan ning bag-ohay giingong mibalik kini sa Sugbo.
Giingong kinse na ka tuig na ang bangi sa pamilyang Torres ug Omboy nga gisakyan usab sa mga politiko.