12 SA CEBU NI-TOP SA BOARD

Pag-ampo sa Ginuo, pagsalig sa kaugalingon ug pagtuon ang nahimo nga instrumento sa tulo ka mga chemical engineers nga nasulod sa top 10 sa sa Chemical Technician Licensure Examination nga gipahigayon ning buwan.

Sila si Joyce Marian Belonguel, Cladette Martinez ug Janice Dinopol ang nagtrabaho isip quality analysts sa planta sa Coca-Cola FEMSA sa Sugbo.

Bisan kon lisensiyado na isip chemical engineers, kinahanglan sila mokuha og board exam alang sa chemical technicians aron makatrabaho isip analysts sa laboratory.

Ilang trabaho ang pagsusi sa kalidad sa raw materials ug produkto sa kompaniya.

Si Martinez ug Dinopol maoy ikapito nga may rating nga 88.50 porsyento.

Si Martinez ug Belonguel pulos gradwado sa University of San Carlos samtang si Dinopol sa Mindanao State University sa Marawi City.

Nag-una sa top 10 si Diamond Jeff Romarate Paug sa Cebu Institute of Technology-University (CIT-U), 92.5; 2nd Karlen Joseph De la Cruz sa CIT-U, 91 porsyento; 3rd, Mark Ervin Ancot sa USC, 90.5 porsyento; 4th Chad Monte Igot ug Belonguel, pulos USC, 90 porsyento; 5th Rossano Balansag Bualat sa CIT-U ug Ruby Mae Salapi Mossot sa USC, 89.50 porsyento.

Si Joselito Reyes Tumulak Jr. sa Cebu Normal University sixth, 89; samtang nagsawo sa 9th sila si Ronalyn Ibon Andagan sa CNU ug Marjon Tan Navida sa USC, 87.50.