POLITICALPARTIES NAHIUSA NI VIDAL
Nagpabilin nga usa ka
peacemaker si Cebu Archbishop Emeritus Ricardo Cardinal Vidal human gihiusa niini ang mga opisyal sa dakbayan sa Sugbo pinaagi sa misa nga gihalad nila sa nitaliwan nga cardinal kagahapon sa udto.
Naabot usab si Senator JV Ejercito atol sa misa kinsa nihatag og respetar kang Vidal diin gihulagway nga nagtudlo.
Bisan anaa sa managlahing partido ang mga opisyal sa dakbayan apan anaa kini sa usa ka lingkuranan kagahapon sa udto atol sa misa sa Cebu Metropolitan Cathedral.
Lakip nga nitambong sa misa sila si Mayor Tomas Osmeña, Vice mayor Edgardo Labella, mga konsehal sa Bando Osmeña Pundok Kauswagan ug Barug Team Rama.
“During our lowest moments, he was there to comfort us, to the point that i almost lost my faith but because of him, one of the factors that my Catholic Faith remains strong because of Cardinal Vidal,” si Ejercito nagkanayon.
Si Atty. Raymond Garcia nihulagway kang Vidal nga most
unifying leader, kamapaubsanon ug maluluy-on.
Susama ni Garcia, gihulagway usab ni Pastor Jun Alcover si Vidal nga usa sa labing dako og impluwensiya sa panaghiusa sa nasod ingon man sa simbahang Katoliko.
Si kanhi Cebu City Mayor Michael Rama niisip kang Vidal nga “living saint.”
Dugang ni Rama nga nawagtangan ang Sugbo ug ang nasod og usa ka spiritual icon
ug national leader. “Our parish church is Metropolitan Cathedral so, we’ll miss
him dearly,” si Joel Garganera Sa laing bahin, Pipila ka oras sa wala pa dad-a sa tambalanan si Cardinal Vidal niadtong kaadlawon sa Oktubre 11, nagpakita na kini og katingalahan nga buhat sa iyang sakop.
Si Celestino “Uloy” Tumale, 57, sud na sa 34 ka tuig nga nag-alagad sa 86 anyos nga Cardinal, niasoy nga usa ka buwan gikan sa unang pagkaospital ni Vidal sa Perpetual Soccor Hospital, naandan niini magsul-ob og pajama nga butangan og alba sa matag konselebrar og misa kauban sa mga pari sa iyang pinuyanan sa Sto. Niño Village, Banilad, siyudad sa Sugbo.
Apan niadtong Oktubre 10 sa mga alas 5 sa hapon human sa misa sa alas 4, iyang gisud sa kwarto ang Cardinal ug iya kining nakit-an nga nagsul-ob og itom nga long sleeve, barong nga color blue ug nagsandal nga may medjas nga matod ni Tumale daw sa dunay lakaw ang Cardinal.
Ang Cardinal, matod niya, nangomedya nga moadto kini og Manila. “Natingala ko murag nanamilit na gyud to siya.”/