LABING TAAS NGA SLIDE SA SUGBO

Giisip nga labing taas nga slide sa Sugbo ang bag-ong tanyag karon sa nagdumala sa Tubod Flowing Water Resort sa lungsod sa Minglanilla, ang Tubod Bukid Resort.

Gikan sa upat ka mga pool, moabot sa 411 ka tiil ang gitas-on sa slide sa bag-ong resort nga nahimutang sa Upper Pakigne Tubod, Minglanilla.

Matod sa tag-iya niini nga si Robert Chan nga gikan sa naandan niini nga pwerteng taasa nga slide, anaa na sa tunga magsugod ang slide diin kapin 200 ka tiil nalang kini paingon sa pool sa ubos.

Gipasabot usab ni Chan ang publiko nga luwas ang slide tungod kay kwatro metros ang stopper niini bag-o ka maabot sa pool.

Giklaro usab niini nga way kamatuoran ang nanggawas nga taho sa social media kabahin sa usa ka lalake nga nadisgrasya sa slide.

Matod niya nga wa mahug ang lalake sa 100 feet, wa usab kini ma-ICU ug labaw sa tanan, aksidente nga nakagunit ang biktima hinungdan nga namumo sa slide.

Luwas ra siya ug sila mao ang niabag sa pagpatambal niini.

Niadtong Mayo dihang nagsoft-opening sila ug kasamtangan kini nga sira aron pagtiwas sa construction.

Gawas sa slide ug pool, adunay viewing deck sa ibabaw niini diin mosaka ka sa 209 steps ang sak-on ug makita nimo ang view sa pool sa Tubod Flowing.

Aduna usab kini parking sa ubos.

Kon maggikan ka sa dakbayan sa Sugbo mamahimong mosakay og bus ug monaug eskina sa Barangay Upper Pakigne.

Usa ug tunga ka kilometros, maabot nimo ang dapit diin atbang ra kini sa Tubod Flowing.

Apan abli lang sila matag Sabado ug Dominggo.

Gawas sa refreshing nga pagligo, duol kini.

Ayaw pauwahi, bisita na sa Tubod Bukid Resort. /