Gimik ni Mike bulok

Nakuhaan og hulagway sa media si kanhi Cebu City mayor Michael Rama nga nagdumala sa dagan sa trapiko sa may Fuente Osmeña niadtong Martes sa hapon. Naguwan-uwan niadtong tingura busa siguradong nabasa sa uwan si Mike. Sa dihang gipangutana sa sakop sa media nga naka-akto kaniya (naka-akto o gitawgan og tuyo) nga napugos siya pagdumala sa trapiko kay way enforcer.

Luoy ang kanhi mayor nga bisan unsa na lang ang himoon aron mapublikar ang iyang kalihukan. “Kulang sa pansin” og sa Tagalog pa. Unsa man to, sinsero kaha ang iyang pag-dumala sa trapiko o publisidad lang? Si Alan Tangcawan, photographer sa Superbalita Cebu, nakakuha sa hulagway ni Mike. Unsa man naaktuhan siya nila Alan ug sa Superbalita Cebu

reporter Herty Lopez? O iyang gipatawgan? Kay mao man nang iyang style basta naay gimik manawag og taga media.

Kadtong mihigda siya sa lantay sa Carbon, kadtong misakay siya og jeep, kadtong nagsayaw-sayaw siya sa tunga sa dalan sa Mambaling kay supakon ang pagtukod og underpass ug uban pa. Mora bag nangayo og simpatiya sa publiko.

O mohimo og talagsaon nga kalihukan aron lang “mapansin” sa publiko.

Ibutang nato nga sinsero si Mike sa iyang gihimo kay nagpakabana siya. Pero sa tan-aw sa mga mata sa publiko kining iyang gihimo puro publisidad. Bisan unsay iyang himuon masaypan lang gihapon nga pamulitika kay pulitiko siya unya plano pa nga molansar pa pagbalik. Bisan anang iyang pag-adto og naay sunog, mag-unsa man siya nga dili naman siya makatabang kay dili naman siya mayor? Sa una god mayor pa siya, moadto og naay sunog unya mag-uniporme og bombero ug mogunit pa sa hose. Karon tanaw na lang siya. Pero walay mahatag sa mga nasunugan.

Akong tan-aw aning Mike, morag wa pa maka- get over sa kapildihan. Maong magduda na lang ta nga di lang ni siya

“drug protector” sama sa gi-alegar ni President Duterte kon dili drug user sama sa gi-alegar sa iyang mga kaatbang. Style nimo, Mike, bulok.

Maayo pag mag-low profile na lang ka. O di ba padaplin lang una sa pulitika. (bobbygnalzaro@