Pangandam sa unang marathon

Naghuna-huna ka ba sa training alang sa imong unang marathon? Ang pagdagan og 42 kilometro usa ka maanindot nga kasinatian nga imong ikapasigarbo sa katuigan.

Si bisan kinsa nga nakahuman og marathon mosulti kanimo sa pisikal nga kalisod sa lumba nga grabe kaayo. Apan kini makaadik ug ganahan kang magbalikbalik pag-apil aron mapalambo ang imong oras. Tungod sa gilay-on, ang imong training alang sa imong unang

marathon lahi kaayo gikan sa ubang mga lumba. Mas layo, nutrisyon mas labing mahinungdanon ug ang workouts mas lisod.

Apan ayaw pagpadala niini. Focus sa tulo ka mga aspeto sa imong training nga makatabang kanimo sa paglampos sa marathon.

1. Higugmaa ang lagyo nga dagan

Ang lagyo nga dagan mao ang labing mahinungdanon nga workout sa nagsugod pa lang nga marathoner. Mga 16 ngadto sa 20 ka semana sa di pa ang marathon, sugdi na ang pagpraktis sa workout aron makadagan ka og labing minos 32 kilometros makausa sa di pa ang lumba.

Kon mao pa lay pagsugod nimo, nakadagan ka na og 32 o 34 kilometros makaduha o makatulo sa di pa ang lumba.

2. Dagan og mas taas

Gawas sa lagyo nga mga dagan, ang senemana nimong mileage kinahanglan nga inanay nga mosaka usa. Sa nagsugod pa, ang labing maayong buhaton aron mas dali kang maandam kinahanglan nga palay-an pa ang pagdagan.

3. MP +T = A Successful Marathon

Ang MP nagpasabot og “marathon pace,” o gibana-banang marathon pace matag milya. Kinahanglan mag-focus ka og workout matag semana pinaagi sa pagpraktis ning mao nga pace, ug seguraduhon nga naanad ka na niini sa di pa ang marathon.

Ang T alang sa tempo, naandan nimong hard pace nga imong maaguwanta sud sa usa ka oras. Kon makadagan ka og 10K sa 60 minutos, isip ehemplo, ang imong 10k pace mao usab ang imong tempo pace.

Kon imong kombinahon kining mao nga mga elemento sa training, progressive nga lagyo nga dagan, pagdugang og gilay-on matag semana, ug workouts nga endurance-focused sama sa marathon pace ug tempo runs, andam ka na alang sa imong una nga marathon.