CONE NAG-SORRY
DUWA KARON: (Araneta Coliseum) 7:00 pm. - Meralco vs. Ginebra Nangayo og pasaylo si Barangay Ginebra coach Tim Cone tungod sa iyang gihimo niadtong Miyerkules sa gabii nga wala molamano ni Meralco coach Norman Black human sa ilang kapildihan, 94-81, sa Game 3 sa PBA Governors’ Cup sa Araneta COliseum.
Niadtong higayona, gikasagmuyo og maayo ni Cone ang pag- timeout ni Black sa nahabiling 38 segundos nga unta klaro na man ang kadaugan sa Bolts.
Tungod niini, igo na lang nga sa mahait nga pagtan-aw si Cone ngadto ni Black nga sa gihapon nagpadayon og hatag og
instruction sa iyang mga players. Ug pagbalik sa duwa ug sa dihang mitingog ang katapusang buzzer, nagyawyaw si Cone nga milabay atubangan sa bench sa Meralco, mideritso og lakaw paingon sa ilang dugout nga wa molamano ni Black ug sa ubang coaching staff.
Kagahapon sa buntag, sa iyang text message ngadto sa Spin.ph, si Cone nangayog pasaylo sa iyang gibuhat. “I regret my actions after Game Three ended. Yes, I was upset about the timeout that was called late in the game, but there is no one in the PBA that I respect more than Norman Black.” Si Cone maoy adunay pinakadaghang kampiyonato nga naangkon sa liga nga may 19 ka titulo, samtang ikatulo usab si Black nga may 11 ka buok. Si anhing Baby Dalupan maoy ikaduha nga may 15 ka kampiyonato. “I got caught up in the moment and could’ve handled it differently,” dugang
ni Cone. “I apologize, and will do so to him personally.”
Bisan pa man tuod sa ilang kapildihan sa Game 3, ang Ginebra padayon gihapon nga naghupot sa bintaha sa series nga may 2-1 nga baraha.
Si Allen Durham mipakita sa kalidad sa usa ka best import awardee human kini mipakatap og 38 puntos, 20 ka
rebounds, lima ka blocks, upat ka assists ug duha ka steals nga maoy nag-aswat sa Bolts ngadto sa kadaugan.
Wa man tuod kaayo siya kakuha og suporta gikan sa ubang mga sinaligang local
players apan ang experiyensiya sa beteranong si Reynel Hugnatan maoy mitapak niini.
Si Hugnatan, usa sa pinakaedaran nga active players sa PBA, kinsa mihulip usab sa puwesto sa na- injured nga si Ranidel de Ocampo, mipabuto og pito ka triples sa iyang 22 puntos human kini igo lang mitali og dos puntos sa unang duha ka duwa.
“Little bad news is that I think we’ve lost Ranidel for the rest of the series due to a calf injury. It doesn’t look very good r ight now,” padayag ni
Black. “The good news is that the game became a lot easier as we made our shots. A lot of credit goes to Reynel who stepped up and made big shots for us.”
Bisan tuod og posibling di na makaduwa si Ocampo ning nagpadayon nga finals series, apan positibo si Black nga karong gabii matabla nila ang series, 2-2.
“It’s gonna be tough going forward especially with Ranidel out. But we have other able men who are ready to go to war.”