Modernisasyon sa PUJ

Gusto ni Duterte nga wala nay aso nga ibuga ang mga jeep de pasaheroan para wala nay masakit og lung cancer, respiratory failure gumikan sa paghanggap og aso ug maatiman ang kabataan sa umaabot nga henerasyon

Uyon kaayo kon para na sa kaayuhan sa tanan. Kusog kayo ta moingon gusto tag kausaban unyag bag-uhon na kitay mouna’g babag. Tarunga na bi! YES TO MODERNIZATION! Kay kon di kanus.a pa? Maghuwat pa kag laing presidente? Mangamatay nalang ta.

- Nyles RO Cabuyao

Karon na ang panahon nga mailisdan kanang mga tayaon ug kagangkagang nga mga PUJ. In fairness sa mga operator mag lisod ang uban kay medyo mahal man ang bag-o nga puj pero ila sad hunahunaun ang comfort sa mga pasahero dili kay bisag kabungkagon na ang ilang PUJ padaganon lang gihapon...

- Noel O. Veloso

Uyon ko tungod kay hataas na kaayo ang panahon nga sige ramo og ayom-ayom sa sakyanan ang mga operator.Nagtuo mog nalipay ang ubang driver sa inyong pagdala? Naka dungog nako’g mga bagolbol sa mga drivers nga maayo ramo modawat og abang pero naay daot dayon ingon nga pangitai lang nag paagi.

- Carlito Pableo

Uyon ko ky dako og matabang sa katilingban ang pag bag.o sa mga jeep,gawas nindot limpyo pud tan.awon. Mas madali tingali ang pag implement ani nga systema kon motabang atong gobyerno sa mga operator, Mag pa loan ba kaha og igong pundo aron ma bag o ilang mga units.

- Oscar B Revalde

Pwerte nako lipaya kay gahapon naabtan ko og uwan may nalang nakasakay dayon og jeep, uy naa nakos jeep uwan man gihapon abi nako og among atop ray buślot hasta man pud diay ning jeep. Hibaw-an pa maypa pasinguwan nalang.

- Christian Macapobre

Uyon man ko ana siguro lang supak gyud ang mga drayber kon ma-phase out ang ilang unit kay tungod sa kalisud ron. Mao na bisag ang ilang sakyanan dugay na kaayo ug karaan ila gihapon gamiton para lang naay makuha nga income aron mabuhi ilang pamilya. Luoy baya sab hunahunaon.

- Jefferson Cumayas Catam-isan

Di gyud ta molambo og di nato kayang mosakripisyo para sa kabag-ohan ug dili ra ang atong kaugalingon ang hunahunaon kay mas dakong purehisyo og magpabilin ning mga PUV sa kalsada. Karon nangusog ato presidente ani pasalamat ta kay sa kadugay nga panahon siya ra ang naay common sense nga mo-resolve aning problemaha.

- Maui Manigos-Abalo

Uyon kaayo ko sa unsay gusto sa presidente kay alang rapud ni sa atong safety ug atong panglawas labi pa nga kada adlaw gyud ko nagsakay og jeep.

- Molito Pag-iwayan