Marina 7 nipahimangno sa publiko; 2 pay nananghid sa pagsaka sa plite
Gisusi pa karon sa Maritime Industry Authority (Marina) 7 ang taho kon aduna bay shipping companies nga nagpatuman og pagsaka sa ilang pletehan sa barko bisan kon wala’y notice ug publication nga gihimo.
Kini human sila makadawat og report nga dunay sakyanang pasaheroan sa dagat nga nipaumento sa ilang plite.
Si Marina 7 Regional Director Engr. Jose Venancio Vero Jr., nibutyag sa Superbalita Cebu kagahapon nga duha lang ka mga shipping company ang nipahibawo kanila nga magpasaka sa pletehan sa barko karong Kalag Kalag.
Usa niini mao ang biyahe sa Goldenbridge Shipping Inc., gikan sa Mandaue City paingon sa Indang, Leyte ug ang Jomalia Shipping Lines diin aduna’y biyahe gikan sa dakbayan sa Danao paingon sa isla sa Camotes.
Giklaro ni Vero nga kinahanglan nga aduna’y notice kalabot sa gitinguhang umento gikan sa matag shipping company ngadto sa Marina aron mapahibawo ang ahensiya sa plano sa shipping lines.
Samtang kinahanglan usab
nga aduna’y publication sa mantalaan aron mahibawo ang publiko. “To the riding public, ( for)
any complaint tan-awon ninyo diha sa barko ang sticker nga anaa’y sumbong sa MARINA, text lang ang number kon aduna’y complaint,” nagkanayon si Vero.
Giingon nga usa ka fast craft nga pasaheroan ang ang nipasaka sa ilang pletehan apan gisusi pa kini sa Marina 7.
Naandan na nga panahon sa pagdagsa sa mga pasahero dunay mga kompaniyang kalit mopamento sa plete.