3 KILOS NGA DILA MITUBO SA BEAR
Usa ka bear aduna tulo ka kilo nga unod nga mitubo sa iyang dila human siya may sakit nga niresulta sa pagtubo niini.
Ang bear nga si Nyan htoo, usa Asian brown bear, nag-antos sa misteryusong kondisyon nga niresulta nga ang iyang dila midako diin maguyod kini sa sawog sa higayon nga makigduwa siya sa iyang igsuon.
Gioperahan siya niadtong 2016 dihang miburot kini apan nag-antos siya sa kasakit.
Nasamad kini sa iyang ngipon ug gikinahanglan nga ipahuway niya ang ulo ngadto sa kabilya sa iyang tangkal aron suportahan ang iyang gibug-aton.
Ang mga beterinaryo sa Edinburgh University mibiyahe sa Myanmar ug ilang gioperahan sud sa upat ka oras si Nyan htoo aron makuha ang tulo ka kilo nga unod gikan sa dila sa mananap aron mabuhi pa siya ug makomportable siya.
Ang Nyan htoo nga nagpasabot nga “hayag” ug ang iyang igsuon na- rescue gikan sa ilegal nga pagbaligya didto sa usa ka monasteryo sa Myanmar.
“Thanks to the enthusiasm and compassion of all involved in this uniquely collaborative project, we have been able to make a tangible improvement in the quality of Nyan htoo’s life,” matod sa usa ka beterinaryo nga si Heather Bacon gikan sa Jeanne Marchig International Center alang sa Animal Welfare Education, Royal (Dick) School of Veterinary Studies.
Nagtinguha si Bacon nga magpadayon siya sa iyang trabaho sa Myanmar alang sa kaayohan sa mga mananap.
Ang grupo nagtuo nga ang bear may sakit nga elephantiasis nga wa pa kaniadto makita sa mga bear apan kumon kini sa mga tawo sa dapit diin nadala kini pinaagi sa mga lamok.
“This was a really unusual medical condition - never before seen in any species of bear - but we weren’t about to give up on Nyan htoo. Now he will be able to eat much more comfortably, sleep in more natural positions and move more freely for the rest of his life,” matod ni Caroline Nelson, sa Animals Asia’s Vietnam Bear Rescue Centre.
Nagpadayon sa iyang kaayohan si Nyan htoo. /