Unsaon pag-text sa imong naibgan nga gusto nimong i-date?

Libog ang dating karong panahona. Daghang mga komplikadong koneksyon nga nitumaw nga wa pa nauso mga 20 ka tuig ang nakalabay. Sagad sa mga panagistorya sa atong mga partner nahitabo na sa text message.

Daghang masulti niini ang komedyante nga si Aziz Ansari. Sa iyang unang libro nga “Modern Romance,” nakigtrabaho si Ansari uban ni sociologist Eric Klinenberg aron masuta kon giunsa nato ang pakigdate sa digital age. Nakig-istoya sila sa gatusan ka mga single nga tawo sa tibuok kalibutan ug nangutana kon giunsa nila pagkonektar sa ilang mga partner.

Nasuta ni Ansari ug Klinenberg nga nausab ang kultura sa pagpangita og gugma nga hinungdan sa pagkamugna sa cellphone ug pagboto sa online dating.

Gawas niini, ilang nahibaw-an nga daghang mga tawo ang daghang pangutana kalabot sa kukaikog sa pagtext. Ani-a ang 7 ka tips gikan sa maong libro:

Ayaw paghuwat sa pagsend sa unang text

Matod ni Ansari ug Klinenberg nga di tinuod nga maghuwat ka ug 3 ka adlaw una motext sa usa ka tawo.

Sumala pa sa duha nga human nimo nahimamat ang usa ka binuhat, ang pinaka-maayong panahon sa pagtext sa unang text himuon sa adlaw nga kamo nagkaila. “Touching base sooner rather than later keeps the romantic momentum going.”

Gihatag na sa usa ka tawo iyang number maong dako ang tsansa nga ganahan na ang tawo nimu.

Likayi ang “heyyy” ug himua ning mas personal

Nasuta nilang Ansari ug Klinenberg nga usa sa mga pasug-o sa text mao ang kanuna kining mo-text ug “hello.”

“After seeing hundreds and hundreds of messages in women’s phones, I can definitively say that most of the texts women receive are, sadly, utterly lacking in either thought or personality,” ni Ansari. Mas maayo nga imung sambiton ang inyong gihisgutan sa una ninyong paghimamat. Ipakita sa maong tawo nga naminaw ka sa iyang mga gipang-istorya.

Ipakita imong pagkatuso

Saguli og komedya ang imung mga texts aron ka makabintaha, paambit ni Ansari. Himua nga lingaw ang imung mga texts niya aron di ka makalimtan sa laing tawo.

Apan ayaw sab pasubrai tungod kay lisod sabton sa text ang mga sarcasm sa text.

Text sa normal nga oras

Ang pinaka-maayong oras sa pagtext hapon o gabie dili buntag ug lawom na ang gabie, sigun ni Ansari ug Klinenderg. Kay usahay samokan na nimu ang tawo nga imung napukaw.

Ayaw ug reply dayon apan ayaw ioverthink imuhang response time

Sa ilang focus groups, nasuta ni Ansari ug Klinenberg nga di ka angayang moreply dayon kini tungod kay nagpakita kini ug kahinam o desperasyon.

Mas maayo ang paghuwat og usa ngadto sa duha ka oras tungod kay kini nagpakita nga aduna kay gibuhat sa imung kinabuhi apan ayaw sobra og padugay kay kini nagpakita nga wa kay interes.

Gamita ang saktong spelling ug grammar

Okay ra gamiton ang “Plz” ug “Idk” sa imung mga higala apan si Ansari ug Klinenberg niingon nga mas maayong sakto nga spelling imung gamiton sa imung crush.

Dakong turnoff ang sayop nga grammar sa focus groups. Kung jeje na imung tinexan, tapolan ug bogo ka tan-awon sa imung gisendan ug text.

Paghimo ug konkretong plano

Sugyot ni Ansari nga likayan nimu ang sagad gamiton nga “What’s up?” o “Want to hang?” nga texts. Mas maayo nga direcho kas imung tuyo ug ponto.

Imbitaha imung crush sa pagbuhat ug mga konkretong butang sa espisipikong oras. Nagpakita kini nga interasado ka sa paghatag ug oras sa maong tawo.

Ila-ilaha sa personality

Way makalupig sa pagkig-ila-ila sa usa ka binuhat sa personal kaysa text.

Kon nagplano mo sa inyong first date, girekomendar niya nga ayaw dad-a sa mga kanunayong lugar sama sa coffee shop o restaurant imung date. Mas maayo nga moadto mo ug mas excting nga dapit. Dakong tabang ang intersadong date sa pagtan-aw kon unsa gyud ang matuod nga batasan sa usa ka tawo

“Don’t just stare to each other across table while sipping a beverage and making the same small talk you’ve made a thousand times about siblings, hometowns, and where you went to college,” padayag ni Ansari.

“A person may seem just okay, but if you really invest in time in the relationship, maybe they’ll be greater than you assume,” dugang niya. / Tinubdan: www. thisisinsider.com/how-to-text-someoneyou