Kalag gikalag

Mingaw ang palibot kay ang mga tawo atoa sa sementeryo gumikan sa pagsaulog sa Kalag Kalag.

Di lang pagbisita ang tuyo, naglakip na sa paghatag og taas nga panahon ang kabanay o sakop sa pamilya nga mipanaw na sa laing kalibotan.

Mao nay ilang giingon nga ang paghatag og panahon kay kausa ra sa usa ka tuig ang kasaulogan.

Dunay pipila igo lang nga mopakita og naa say tag usa ka semana ang pagahin og panahon.

Sa sementeryo adto man gani matog, tagay, baraha, singalong ug uban pa basta walay gubot.

Ila nang gitawag nga ang pagmahal sa kauban sa pamilya way kamatayon, bisan sa sementeryo gihandom.

Sa estorya sa mga katiguwangan, ang sementeryo maoy kahadlukan kay anaa ang mga patay.

Sa modernong panahon, ang buhi na maoy kahadlukan ug di ang patay nga mipahuway na sa dayon kay mipanaw na sa laing kalibotan.

Matod pa, mas kahadlukan ang adik kay di matag-an ang dagan sa hunahuna kon kanus-a mag aborido ang utok.

Pero naa koy kaila. Kanunay nga magbisitahan sa sementeryo tungod lang sa iyang kahadlukan.

Nahadlok ko nga kon dili makaadto sa sementeryo, maoy bisitahon sa ilang balay sa kalag sa namatay niyang sakop sa pamilya.

Mao ba kaha na ang ilang giingon nga ang buhing kalag, gikalag?

Ang labing importante ang pagpaduol sa kahitas-an. Taliwa sa mga pagsuway andam kanunay nga makabarog.

Dunay giingon nga mas makonsensya ang buhi nga nagsaad ngadto sa gisaraan kay mahiubos ug maningil.

Ang patay usa na ka patay. Apan di sab maayo nga kalimtan nalang ug di bisitahon ug atimanon ang lubnganan niini.

Ang importanteng punto, dapat lang holiday ang adlaw sa Kalag Kalag kay mao kini ang gipahinungdan. Kay ang gideklara nga holiday mao ang Adlaw sa mga Santos nga unta ang sentro sa kalihukan mao man ang kalagkalag.

Matud pa mas kahadlukan ang adik kay di matag an ang dagan sa hunahuna kon kanus-a mag aborido ang utok.