Kalag Kalag

Dear Papa Joe,

Tawga lang ko sa ngalan nga Robert, 40 anyos, lumolupyo sa Cebu City. Sa una, bata pa mi, active kaayo mi mangadto sa mga sementeryo basta ting Kalag Kalag na o ba kaha manguli sa probinsya kay lingaw kaayo basta naa ning mao nga kasaulogan. Mamuwaw mi sa seminteryo, dili lang para managkot ug magkahimamat sa among mga paryente, kon di apil na sab iring iring sa sama namo og edad.

Nindot ang Kalag kalag sa mga batan-on. Antuson ang kahuot ug samok para makaadto lang sa seminteryo. Bisan gani di Kalag Kalag pwede ra moadto. Pero king tanan nausab dihang namatay akong manghud mga tuig na ang nangagi. Akong amahan namatay usab usa ka tuig sukad namatay ang akong igsuon. Murag di nako madawat nga nawala sila mao nga sukad nangamatay sila, di gyud ko moadto sa seminteryo kay murag mapukaw pagbalik ang kasakit. Ang uban kay nagmaya pa unta. Kon naa ka didto, mahinumduman ang kapait dihang nibiya sila. Mao ni akong suliran karon nga gusto sa akong mga igsuon magtapok tapok mi pero di man nako kaya. Unsa man akong buhaton?

ROBERT

Robert,

Sayon tuod isulti na move on pero kon pinangga nimo ang usa ka tawo, lisod sad. Maorag managsama ta og gibati pero moadto gihapon ko. Pero di sab ko mopunsisok sa kadaghanan.

Tinuod to imong giingon nga kon batan-on pa, nindot, pero ang unod sa Kalag Kalag, nga bisan sa hunahuna, imo silang gihandom ug gihatagan og importansya karong adlawa. Naglantaw ba kaha sila nga kanang adlawa gitagaan nimo sila og importansya. Kon di man gani sila makakita ana kay patay na, ang paghandum ug pahibawo sa imong kaugalingon kon unsa nimo sila kamingaw ug ang imong self na lang imong pasidunggan. Bisan wala na sila, parte lang gihapon sila nimo, busa bisita na.

Papa Joe

(sa inyong tampo ipadala lang sa papajoesuperb@ gmail.com)