IRVING, CELTICS DAOG NA SAB
Sa pagpangulo ni Kyrie Irving, padayon ang kainit sa host Boston Celtics ug ilang gipangmakmak ang San Antonio Spurs, 108-94, aron iposte ang ikalima nilang sunodsunod nga kadaugan sa National Basketball Association (NBA) kagahapon.
Nimugna og 24 puntos si Irving, nidugang og 18 puntos si Jaylen Brown samtang nitunol og 13 puntos si Al Horford alang sa Celtics, nga ningsaka sa 5-2 nga rekord.
Kini maoy ikatulong sunodsunod nga duwa diin nakamugna si Irving og 24 puntos o pataas.
Human sila nasubhan og duha ka sunodsunod nga kapildihan unya nawad-an pa sila og sinaligan nga si Gordon Hayward, ang Celtics nagbangis na hangtod ning puntoha.
Ang Spurs gipangulohan ni Brandon P Golden State Warriors gikan sa pagkapandol ug ilang gipahimungtan ang host Los Angeles Clippers, 141-113.
Kini maoy ika-11 nga sunodsunod nga kadaugan sa Warriors batok sa Clippers, nga katapusang nakabuntog kanila niadto pang Disyembre 25, 2014.
Ang Warriors, nga ningsaka sa 5-3 nga rekord, gipangulohan ni Stephen Curry pinaagi sa iyang 31 puntos, nidugang og 19 puntos si Kevin Durant, nitampo og 16 puntos si Draymond Green samtang nitunol og 15 puntos si Klay Thompson.
Ang Clippers, nga nahagba sa 4-2 nga baraha, gipangulohan ni Danilo Gallinari pinaagi sa iyang 19 puntos samtang nihatag og 17 puntos si Lou Williams.
Ang depensa sa Warriors maoy dakong hinungdan nga naangkon nila ang kadaugan.
Ang usa sa labing sinaligan sa Clippers nga si Blake Griffin wala nakadiskarte og insakto gumikan sa hugot nga depensa sa Warriors.
Sa laing mga sangka, gipakuratan sa Philadelphia 76ers ang Houston Rockets, 115-107, gipangmakmatk sa Toronto Raptors ang Portland Trail-Blazers, 99-85, gipanglampornas sa Orlando Magic ang New Orleans Pelicans, 115-99, gipangpukan sa Charlotte Hornets ang Memphis Grizzlies, 104-99, gipangbuntog sa New York Knicks ang Minnesota Timberwolves pinaagi sa overtime, 125-122.