LTFRB dunay gipalabi
Gibikil sa mga kadagkoan sa Land Transportation Franchising and Regulatory Board (LTFRB) ang operasyon sa Angkas, usa ka grupo nga nag-operate sa mga driver sa habalhabal.
Illegal nga operasyon ang hinungdan sa pagpanakop. Apan wa sikopa ang way pangan o grupo nga naglantaw sa kaluwas sa kinabuhi sa mga pasahero.
Mao nga makalitok ang mga tawo ug di maayong termino pinaagi sa mga pagsaway ngadto sa LTFRB.
Tinuod nga illegal ang operasyon sa Angkas kay ubos sa nasudnong balaod wa man tuguti ang single motorcycle nga mahimong pamasaheroan.
Apan dawaton nalang unta sa LTFRB ang kamatuoran nga di hingpit mabadlong ang habalhabal tungod sa ka importante niini.
Di ba maayo nga motabang ang LTFRB sa pagpangita og paagi kauban ang local government unit aron estoryahan nga mahimong lehitimo ang ilang panginabuhi.
Ang Angkas mas ubos ang plete ug luwas ang pasahero tungod sa helmet ug di abusado ang mga driver. Unsa man naay mga operator ug habalhabal nga naka benipisyu ang mga dagkog bukton nga anaa sa LTFRB?
Kay sa wa pa mag-operate ang Angkas wa man gisilhig ang mga habalhabal nga way mga klaro .
PULITIKA MIBOKAS
Tiaw moy tanang mga mayor sa ikaduha ug ikapitong distrito sa Sugbo motapon na ngadto sa Partidong Demolratikong Pilipino (PDP-Laban) karong November 17.
Sa klaro nga pagka-estorya gibiyaan ang Liberal Party ni kanhi Presidente Noynoy Aquino, sa mga mayor kay nangambak ngadto sa PDP ni Presidente Rodrigo Duterte,
Unsa ka seryuso ang pagtapon sa mga mayor?
Mibalhin tungod kay mikuyog sa ilang lider nga maoy representante sa ilang distrito tungod sa umaabot nga piniliay 2019?
Sa pagpadong unya sa 2022 nga presidential election moambak nasab ngadto sa laing partido?
Sa katarunganan, di lang ang pagtakilid sa barko sa PDP kon ang pagkaunlod gyud niini unya sa di pa ang piniliay sa pagka presidente.
Matod nila kini maoy mga marunong nga mga pulitiko. Naniguro sa ilang interes sa pulitika ug pakapin nalang ang katawhan.
Di ba maayo nga motabang ang LTFRB sa pagpangita og paagi kauban ang local government unit aron estoryahan nga mahimong lehitimo ang ilang panginabuhi?