ILLEGAL NGA TIGBUHAT OG PAGWAPA NAGHITAK

APIL NA PANGPAGANA; FDA NIA SA CEBU, NAGSUSI

Ilegal nga mga tiggama og pangpagwapa ug pangpagana nga bitamina naghitak sa Sugbo ug rehiyon 7.

Ang taga Food and Drugs Administration (FDA) niduaw dinhi kagahapon human nila masayri ang kadaghan sa illegal nga mga tiggama og pagwapa ug bitaminda.

Ang FDA mipahimangno nga seryuso silang mogukod ning mao nga mga kompaniya sama sa ilang pagronda sa usa ka American pharmaceutical company nga nahimutang sa syudad sa Mandaue nga nasakmitan og kapin sa P10 million nga mga di rehistrado nga mga tambal.

Si FDA director general Dr. Nela Charade Puno nagkanayon nga nakadawat siyag report gikan sa iyang mga sakop nga naghitak ang mga produkto sa pagpaanyag lakip na ang pagpagana sa pakighilawas sa kalalakin-an sa Sugbo nga way pagtugot sa ilang ahensya.

Matod niya nga ang tinguha karon sa ilang ahensya mao ang paggukod sa mga naghimo og illegal nga mga produkto sa pagpaanyag ug mga bitamina nga way pagtugot sa gobierno kay kini peligro sa panglawas sa mga tawo nga mogamit niini.

“We are here in Cebu today because the FDA received reports that unscrupulous traders are flooding in local market with unregistered and untested food, drugs and pharmaceutical products. We cannot allow that to

happen,” matod ni Puno. Niadtong 2016 niumol og

task force ang FDA uban ang kapulisan nga ilang gitawag og FDA-PNP Task Force D-Punch kun Destroying Products Unfit for Human Consumption.

Giangkon sa FDA nga duna pa silay gi- monitor sa Central Visayas nga illegal nga naghimo og mga produkto sama sa glutathione, Vitamin C in powder form, Bio-c, Immuno Factor ug minerals tablets nga wa mokuha og permiso sa ilang buhatan.

Wa mohatag og numero ang FDA apan usa sa ilang mga kawani nitug-an nga halos katunga sa mga pharmaceutical sa rehiyon 7 ang wa mo renew sa ilang mga lisensya.

Kon kaniadto ang mga makalapas sa balaod igo lang nga mobayad sa multa ug di mahimong mabilango, apan karon di na mahimo sanglit mabilanggo sud sa 10 ka tuig ang mga masakpan nga makalapas sa Republic Act 9711 kun Food and Drug Administration Act of 2009.

Kini dunay multa nga P50,000 ngadto sa P100,000.

Aduna naa usab silay giandam nga kaso batok sa mga inilang doktor nga nagbase sa kaulohan nga maoy gihimong kostumer ni David Atkinson, ang tag-iya sa pharmaceutical nga gironda sa kapulisan.

Gawas kang Atkinson duna pay upat ka mga incorporators sa American Pharmaceutical Company ang gilakip sa pagkiha sa FDA. /