■ GIKAN SA KOREA:

Niadtong Enero, kining minilyon ka kilo nga basura miabot dinhi sa Sugbo ug nisangko sa usa ka bodega ug dumpsite. Lakip sa nahisgutan ang mao nga shipment sa pag-imbestigar sa Ubos Balay Balauranan nga gipangulohan ni Kongresista Gwendolyn Garcia kalabot sa landfill sa Siyudad.

Duna bay kadudahang tumong ang subling pagbukas sa Inayawan Sanitary Landfill sa Kagamhanan sa Siyudad sa Sugbo sa miaging tuig?

Mao kini ang gipasupot ni Deputy Speaker Gwendolyn Garcia atol sa ikaduhang pakisusi sa Ubos Balay Balauranan niadtong Martes kalabot sa sagol nga garbage gikan sa South Korea nga gidala dinhi niadtong Enero.

Ang isyu na-headline sayo ning tuig human ang Bureau of Customs (BOC) nakadiskobre nga dunay 5,000 ka tonelada kun 5 million ka kilo nga basura ang gihatod sa usa ka bodega ug dumpsite sa dakbayan sa Mandaue.

Ang ngan ni Mayor Tomas Osmeña nalambigit human ang usa ka Felix Lopez, Jr. nipasangil nga ang mayor, kanhi konsehal Jun Pe, pipila ka Customs personnel ug mga Koreano nanagkunsabo sa paglabay sa basura sa Inayawan landfill.

Nagduda si Osmeña nga si Konsehal Joel Garganera maoy nagpaluyo sa alegasyon kay ang nauwahi mao usab ang nagpasiugda sa pagduso sa petisyon alang sa writ of kalikasan sa Court of Appeals, nga nisangko sa pagsira sa landfill niadtong Disyembre 2016.

Si Garganera, kinsa nitambong sa pakisusi sa Ubos Balay Balauranan, nanghimakak nga nakaila siya kang Felix Lopez Jr.

Apan ang konsehal niingon nga makapaduda ang pahibawo ni Osmeña nga buksan pagbalik ang landfill.

“It’s very suspicious because the same group who wanted to close it before now want it reopened,” matod ni Garganera.

Ang iyang gipasabot mao si kanhi konsehal Nida Cabrera, kinsa niawhag kang kanhi Cebu City mayor Michael Rama sa pagpatuman sa plano sa pagsira sa landfill sa 2013.

“If 5,000 metric tons of trash were shipped, do you suppose that a sane businessman would gamble without assurance?” pangutana ni Garcia nga gitubag usab ni Garganera og “It can’t stay at the port but only landfills that can accommodate that huge volume would be the privately owned one in Consolacion and the City-owned landfill.”

Si Roberto Cabarrubias, hepe sa Department of Public Services nga nagrepresentar kang Osmeña, nihimakak sa alegasyon.

“As far as we know, the 5,000 metric tons of trash from Korea were dumped in Mandaue, not in Cebu City. We are not accepting waste from other local government units, so there is no way that the trash from Korea was thrown to the landfill,” nag-

/ TAMPO NGA HULAGWAY ■ HEARING: Gipahigayon niadtong Martes sa Ubos Balay Balauranan, sa pagpangulo ni Cebu 3rd District Representative ug Deputy House Speaker Gwendolyn Garcia, ang pakisusi sa shipment sa basura gikan sa South Korea ug sa tinguhang subli nga pagbukas sa...