Gipasanginlan
Dear Noy Kulas,
Maayong buntag. Nagsearch ko karon kon unsaon nako ma- contact ang Department of Social Welfare and Development (DSWD) sa Cagayan de Oro kay naay problema ang akong brother. Pero di nako makita so pwedi ba sa imo na lang ko magpatabang.
Ang akong brother gitabangan og kulata tungod kay nakasala kuno bisan wa niya buhata. Nanghikap kuno og dughan sa babaye ang akong igsuon. Nagpatabang kuno ang parents sa DWSD ug nagpa medical check up ang babaye. Basta basta na lang diay sila motabang bisan way ebedensya o bakak ang ilang estorya?
Pinag tulong tulongan binugbog sya dahil sa kasalan na hnd nya ginawa, iya daw gi kumot totoy sa babae bisan wala nya buhata unya nagpatabang daw ang parents sa dswd ug nagpa medical so basta basta bana mutabang cla tito kung wlang ebidensya or bakak ang ilang estorya? MS. N Ms. N,
Bisan kinsa nga lumolupyo, labina kon pangabuso, mahimong makadangop sa bisan unsa nga institusyon sa kagamhanan nga gisangunan ning mao nga tahas. Usa sa mga gimbuhaton sa DSWD mao ang pag-abag sa kababayen-an ug kabataan nga biktima sa pangabuso. Kon ang hingtungdan ning giingon nimong kaso sa imong igsuon menor, dako ang kahigayunan nga ang DSWD moabag sa pamilyang hingtungdan.
Ang pagpahiling og doktor maoy kabahin sa proseso sa pagkuhag ebedensya. Kon way gihimo ang imong igsuon, ma drop ra ang kaso.
Pero tinuod man o di ang pasangil batok sa imong brod, ang mga tawo nga ningkulata kaniya angay nga manubag. Kinahanglan hinuon nga duna moy mga saksi, ining pasangil batok sa imong igsuon ug niadtong mga nangulata kaniya. But kay legal man kini, ang abogado maoy labing maayo ninyong dangpan aron makapanalipod ang imong brod. Iyang pamatud-an nga di tinuod ang mga pasangil batok kaniya. Basin siya ang nasaypan unya laing tawo diay ang naghimo. Naa bayay mga ingon niana nga sitwasyon, labina kon naa sa daghang nagtapok nga mga tawo.
Di na madala ra og estorya. Kinahanglan nga mangandam sab mo og inyoha aron mapanalipdan ang iyang katungod. Manghinaut ko nga di pa kaayo uwahi ning akong tambag. NOY KULAS
Alang sa imong problema, e-mail sa kulassuper@sunstar.com.ph ug rojval69@ yahoo.com