WALA'Y MAKALUPIG NI JERWIN: ANALYST
Wala’y makalupig kang International Boxing Federation (IBF) super flyweight
champion Filipino Jerwin Ancajas bisan kinsa sa laing
world champions sa iyang timbang.
Mao kini ang panahom sa usa ka inilang boxing analyst sa nasod nga si Dennis Principe sa interbyu sa www. abs-cbnnews.com.
“Iyong performance niya for a super flyweight ( junior bantamweight) is an A+ or AA class of fighter. Sa nakikita ko ngayon, the way he performed the last two fights, no one among the champions stand a chance against Jerwin Ancajas,” matod ni Principe.
Sa labing ulahi niyang away niadtong lang Dominggo sa United Kingdom, kaupat gitumba ni Ancajas ang kanhi wala’y pildeng Irish fighter nga si Jamie Conlan aron depensaan ang iyang korona pinaagi sa 6th
round TKO nga kadaugan. Alang kang Principe, mas maayong makig-away pa si Ancajas og dekalidad nga mga boksidor sa UK aron mailhan kini og sugod sa tibuok kalibutan.
Matod ni Principe ang labing maayong away ni Ancajas mao ang batok kang World Boxing Association (WBA) super flyweight champion Khalid Yafai, kinsa usa ka British. “He’s on the right track. It’s a good start if he’s thinking
of creating a career wherein his stardom magsisimula sa British market. His style is fit sa crowd na iyan,” pasabot ni Principe.
“If I were him I would consider campaigning and fighting British champions. Nakapagsimula na na siya kay Conlan, magandang jumpstart iyan sa career n’ya.” Ang ubang world champions sa timbang ni Ancajas mao sila si Thai Srisaket Sor Rungvisai ug Japanese Naoya Inoue.
Si Sor Rungsisai maoy naggunit sa titulo sa World Boxing Council (WBC) samtang si Inoue sa World Boxing Organization (WBO). Sa laing bahin, nag- courtesy
call si Ancajas sa opisina ni Sen. Manny Pacquiao sa miaging adlaw sa iyang pagbalik sa Pilipinas gikan sa iyang kalampusan sa UK. Si Pacquiao, kinsa kanhi 8-division world champion, maoy promoter ni Ancajas ubos sa kampo sa MP Promotions.
Nagkanayon ang Pambansang Kamao sa Pilipinas nga mapasigarbuon siya sa naabot ni Ancajas. “So proud of you Jerwin Ancajas,” post ni Pacquiao sa iyang Instagram account. “Keep working hard and stay focused. You have brought honor to our country.”
Si Ancajas, kinsa adunay 28-1-1, 19KOs nga rekord, dugay na’ng nag-ingon nga pangandoy niyang makasunod sa lakang ni Pacquiao. / ESL