10 ANYOS NGA GIBAKUNAHAN NA-DENGUE
GIDAPATAN NIADTONG AGUSTO, GIHILANTAN, NAGSUNGGO
Nabalaka si Cebu Archbishop Jose Palma sa unsay mahitabo sa kabataan nga nabakunahan og Dengvaxia vaccine human nipahibawo ang Sanofi Pasteur nga makasamot kini sa sakit kon wala pa magka- dengue ang bata.
“That’s why we were afraid even before about vaccination because sometimes we were not so sure yet whether they have been tested,” padayag sa arsobispo.
Sa wala pa gibakunahan ang kabataan, matod niini, angay nga kadaghan nga gisuwayan ang Dengvaxia aron maseguro ang kaluwas niini.
Siya nidugang nga bisan kon maayo ang intensyon apan kon wa masuwayi og kadaghan, delikado nga makahatag og komplikasyon sa mga nabakunahan.
Si Palma nipaluyo sa imbestigasyon bahin sa pagbakuna og Dengvaxia.
“Dapat lang as we know they should not just inject just anything even with good intention it has to be like tested over and over again before you inject it to human beings,” dugang sa arsobispo. Dinhi sa Sugbo, 49.34 porsyento sa 323,779 ka mga bata nga nagpanuigon og 9-anyos hangtod 14-anyos kun 159,766 ka mga bata ang nabakunahan og Dengvaxia sa unang dose.
Ang Food and Drug Administration nimando na sa Sanofi Pasteur sa paghunong og baligya ug pag-apudapod sa Dengvaxia vaccine sa Pilipinas human kini nipagawas og advisory bag-ohay lang nga mosamot ang sakit sa bata kon nabakunahan niini nga wa makasuway og ka- dengue.