Service fee sa hotel, restaurant
Sagad sa mga hotel ug restaurants nangolekta og service charge o service fee. Kini atong makita sa bill. Kasagaran ang service charge 10 porsento sa kinatibuk-ang balayrunon. Apan asa man padung ang service charge? Madawat ba kini sa mga waiter ug mga kawani sa maong mga establisimiento? Daghan ra ba kitag mga higala nga mga waiters ug waitresses. Tungod kay way klarung balaod mahitungod niini, gipasa ang usa ka balaudnon nga magmando nga 100 porsiyento sa tanang service charges and tips nga makolekta sa mga hotel ug restaurant ihatag ngadto sa ilang mga kawani. Si Senador Joel Villanueva, chairman sa Senate committee on employment and human
resources development, niingon nga iya nang giindosar sa plenaryo kon sa kinatibuk-ang Senado ang Senate Bill (SB) No. 1299.
Matod pa ni Villanueva, optional ang pagkolekta og service charge sa mga hotels ug restaurants ug susamang mga establisimiento. Sa ato pa, dunay mokolekta duna say wa mokolekta.
Apan niadtong mokolekta, unsaon man pagbahin ang 10 porsento nga service charge? Sumala pa ni Villanueva, 85 porsento sa mga kawani ug 15 porsento sa management.
Sa ato pa, sa P1,000 nga bayranan, P100 ang service
charge, P85 sa mga kawani ug P15 sa management. Apan ang P85 bahin-bahinon pa sa tanang mga kawani.
Ang nakaparat pa gyud, matod pa niya, dunay mga establisimiento nga 90 porsento ang bahin sa management unya 10 porsento lang sa mga kawani.
Gawas pa niini, dunay nagtuo nga ang pagbahin sa service charge usa ka management prerogative. Busa ang management maoy magbuot kon unsaon kini pagbahin.
Matod pa ni Villanueva mahimong dili mandatory ubos sa SB 1299 ang pagkolekta og service charge aron
makapamenos sa presyo ang mga hotel ug mga restaurants. Ang mandatory mao nga kon mokolekta og service charge, ang tanan o 100 porsento ihatag ngadto sa mga kawani.
“The ‘service charge’ is a mandatory tip of sorts - a simple token of gratitude for a service whole heartedly rendered by workers in hotels, restaurants and allied industry but only if it’s given to them 100%,” matod pa ni Villanueva. (edbarrita@
Sa ato pa, sa P1,000 nga bayranan, P100 ang service charge, P85 sa mga kawani ug P15 sa management. Apan ang P85 bahin-bahinon pa sa tanang mga kawani.