Gidalidali
Makapa-igking kining gibulgar ni Senador Richard Gordon nga daghan na diay nga mga nasod nga mipasaka og kaso batok niining Sano�i Pasteur, ang kompaniya nga tiggama sa nakontrobersiyal nga vaccine Dengvaxia. Sa Senate hearing nga gitambungan mismo ni kanhi Presidente Benigno Aquino, si Gordon nga mikastigo og pangutana ni Aquino mibutyag nga kining Sanofi gireklamo ug napamatud-ang sad-an na diay sa kasong bribery o pangsuborno sa 500 ka mga doktor didto sa China aron lang mosaka ang halin sa ilang produkto.
Gipamulta usab sa US og $109 million niadtong 2009 tungod sa kalapasan sa anti-kickback law sa maong nasod ug gipabayad usab og $52.7 million sa France sa 2013 tungod usab sa pagdaot sa ilang kompetensiya.
Ang maong kompaniya napamatud-an usab nga sad-an sa kasong bribery ug ingon man pagpasagad og pangangkon og makaayo mahitungod sa ilang produkto didto sa Eastern Africa, Middle East, Germany ug Kenya.
Syaro ra sab og wa kahibawo o kapangutana ang presidente sa background ug kredibilidad sa kompaniya nga iyang gikanegotiate.
Giangkon ni Aquino nga iyang nahimamat ang mga kadagkuan sa Sanofi nianang Disyembre 1, 2005 og midangat lang og 21 ka adlaw nahikay na dayon ang dokumento aron ma release ang P3.5 billion nga igasto sa pagpalit sa maong pamakona.
Bisan unsa pay irason ni Aquino kalabot niining maong kontrobersya, dili kini makapawala sa mga pagduda sa kinabag-an nga posibiling aduna kini laing katuyoan ilabi na ang pagpadali sa proseso nga ma- release dayon ang kwarta nga igahin sa maong vaccine.
Hayag usab ang posibilidad nga aduna gyud kini konspirasiya tali sa duha ka habig nga naglimbong sa publiko.