Pakals bisan og asa

Kapin sa semana na lang Pasko na, sundan pa kini sa Bag-ong Tuig, dayon Sinulog. Nangandam na sab ang mga kabanay paghimo sa ilang belen, pagpabarog sa Christmas Tree, pagpamitay sa parol og ubang dekorasyon sama sa kidlap-kidlap nga dekolor nga mga suga.

Ang uban nagpadala na sab sa ilang mga Christmas Cards ug namutos na og mga regalo para sa mga kinugos, manito/manita, higala og sa mga minahal.

Duna say uban sayong naghimo og listanhan sa luto-unon para sa bisperas apil ang kinaham nga inasal, dinuguan, salad, fried chicken, lumpia og uban pang mga putahi. Ang kasagarang resulta, mamurot ang tiyan ug manambok human sa selebrasyon.

Sayod kita nga mas lisod, gasto og kapoy ang pagpahiyos o pagamay sa lawas maong diay akong mga kinuykuyan nga suhistiyon aron di matam-an sa kabug-at o tambok ang lawas.

Kasagaran nato magpagutom daan, dili mamahaw o maniudto una motunga sa party para mapuno ang plato. Ang resulta, seguradong habhab ug burot ang tiyan.

Aron kini malikayan, suwayi og timo daan una mo adto sa party. Ining pa-agiha, dili gutom ug haw-ang ang tiyan.

Hinayon ang paghungit ug usap kay aron dili daling mabusog. Kung daghang gitanyag sa lamisa, tilawi lang bisag tulo ka kutsara kada klase og ayaw launduka ug pa-awasa ang pagkaon sa imong plato. Ayaw sab palabi og kuha sa dili nimo kayang mahurot.

Mas daghanon og kaon ang mga pagkaong dunay sulod nga fiber sama sa mga salad greens, prutas o baked beans.

Makatabang sab kung gamay nga plato o platito ang gamiton kay mapugos man og pa gamay sa isulod niini.

Pili-a ang preskong prutas sa dessert imbis cakes, cookies ug pastries. Ang mga baked nga produkto daghang mga sangkap og kamay nga dilikadong makapasakit sa kasing-kasing og maka patambok.

Ang dili nimo mahurot, mahimo nimong ipaputos aron naa kay malutong Paksiw o

fried rice sunod adlaw. Imbis ilimnong makahubog, suwayi ang red wine, tsa, kape o tubig para pa hilis sa gikaon og balik sa naandang ehersisyo human sa bakasyon.

Maayong Pasko!