Hiyas sa Liberal Party
They said that the P50,000 will be given to a police officer who is facing a murder case. If there is a case, there is a probable cause that the police is the one who is a criminal. So, rewarding him is illegal and libelous. - Pabling Garcia, kanhi Governor ug Kongresista sa Sugbo Diin ko lang po, bago nagdesisyon ang gobyerno sa Dengvaxia, habang nagdedesisyon, pagkatapos magdesisyon at hanggang sa ngayon, walang naparating sa akin ng pagtutol sa bakuna. - kanhi Presidente Noynoy Aquino
Notado sa pagkamaginukdanon ang LP ngadto sa ilang mga kaatbang ug pagpanalipod sa mga alalay sa politika.
Milampos sa pagpapriso ni kanhi Presidente Gloria Arroyo, nila ni Sen.Juan Ponce Enrile, Bong Revilla, Jinggoy Estrada ug pipila ka mga kongresista ug pagpa- impeach ni Chief Justice Renato Corona.
Sanglit naparot ang ilang manok nga si Mar Roxas kadaghanan kanilla mitapon kang Presidente Rodrigo Duterte sa PDP-Laban. Daghan dinhi sa Sugbo ang nahimong alibangbang sa politika.
Hinuon ang mga labaw sa LP nagpabilin ug anaa gihapon ang hiyas sa pagkamaginukdanon. Nagtinguha nga gun-obon ang pamunoan ni Duterte ginamit ang isyu sa EJK. Apan ingon og gitamparos sa dihang napriso sa Camp Crame si Sen. Leila de Lima gumikan sa drug trafficking. Kinsa kahay mosunod kay hinay-hinay na nga nautingkay ang mga tinagoan.
Sila si Sen. Franklin Drilon ug kanhi DILG Sec. Roxas gilambigit sa druglord Melvin Odicta Sr. sa Iloilo City pinaagi sa pag-awhag nga palapdan ang negosyo sa drugas sa Negros Island aron makakuha og pundo sa eleksyon sa 2016 kauban nila si Iloilo City Mayor Jed Patrick Mabilog.
DOJ ug NBI mosugod na sa paghiling sa mga dukomento nga gihikyad nga naglambigit nila ni Sen. Drilon, Antonio Trillanes, Chiz Escudero, Kiko Pangilinan ug daghan pa nga nakadawat sa giwaldas nga DAP ni Pres. Noynoy Aquino ug kaubanan agig suborno bugti sa pagpalagpot ni Chief Justice Corona.
Ang pagwari-wari ni Noynoy ug kaubanan sa Malampaya fund nga wala mahisubay sa lagda ug proseso. DOJ nagtukod og PDAF Task Force aron inbestigahon si Noynoy ug kaubanan nga nag-usik- usik sa nasodnong panudlanan aron pagpaborot sa ilang personal nga interes.
Laing kaso ni Noynoy ang pagpanghunaw sa kamatayon sa SAF 44 sa Mamasapano, Maguindanao encounter. Mipiyansa na gani si Noynoy sa Sandiganbayan samtang si Atty. Ferdinand Topacio nga maoy manlalaban sa mga biktima miawhag nga mo-inhibit si Presiding Justice Amparo Cabotaje-Tang paghupot sa kaso. Siyam ka mga sakop sa gabinite ni Noynoy ang gipasakaan og kaso sa DOTr lakip na ang transportation chief Jose Emilio Abaya kabahin sa MRT-Line 3.
Kanhi DPWH Sec. Rogelio Singson ug DBM Sec. Florencio Abad nga mga sinaligan ni Noynoy nalambigit sa 8.7B pesos fake land titles nga naglakip sa road-right- of-way claims sa Gen. Santos.
Atraso ni Noynoy ug kanhi Heallth Sec. Janette Garin sa 3.5B pesos nga kontrata sa Dengvaxia vaccine nga ginama sa Sanofi Pasteur nga usa ka French pharmaceutical firm.