Bag-ong Panday gihimong moderno
MANILA- Daghang salamat kang Eric John Salut tungod kay usa ako sa naimbitahan sa special screening sa “Ang Panday” starring Coco Martin niadtong Huwebes sa hapon sa Cinema 4 sa Trinoma.
Kung nakita ninyo ang original nga “Ang Panday” movie ni Fernando Poe Jr. og ang version ni Bong Revilla, nalahi ang version ni Coco Martin isip Flavio.
Gihimong moderno ang Ang Panday og very playful ang role dinhi ni Coco nga nagtrabaho sa usa ka himoan og sundang, astigin sya og kanunay nga makakita og away.
But since siya ang apo sa Panday, siya ang gipangita sa ermitanyo played by Jonnee Gamboa para ibton ang baraw nga nakatarak sa bukid nga giharian sa mga engkanto.
Dili lang si Flavio, hasta ang iyang kaaway nga si Lizardo ( Jake Cuenca) modern sad. Siya ang tag-iya sa usa ka Cosmetic company called Infinit, kusog kaayo ang iyang negosyo pero niabot ang oras nga ang iyang mga na- recruit sa iyang business, nahimong mga ungo.
For sure magustuhan sa millennials ang pelikula og maka- relate sila tungod sa presensiya sa mga rapper. May usa pa ka eskena nga ang dialog nila, in rap og pati si Coco (Flavio) nag-rap sad.
Kung inyong kumustahon ang akting sa leading lady ni Coco nga si Mariel de Leon, okey naman bisan baguhan, na-keri naman niya ang iyang mga eksena. Okey sad ang akting sa usa pa ka beauty queen, si Kylie Versoza although duha lang yata ang eksena ni Kylie pero markado.
Halos tanang cast sa Ang Probinsiyano may role sa Ang Panday. Pati mga child star. Bisan si Onyok (nga nawa na sa Ang Probinsyano), apil og usa siya sa mga duwende.
Bongga ang role ni Awra Briguela nga pa-laki-laki kunohay pero wa na makapugong og nisalmot og gay pageants. Usa si Awra sa mga sinagop (apil si Coco) ni Aling Rosa (nga sa bata pa, si Jaclyn Jose ang mida og sa natiguwang na, nahimong si Gloria Romero), kaya lang, namatay si Awra tungod kay napaakan siya og iro nga ungo diay, pairo-iro lang.
Very entertaining ang nahisgutang pelikula, aduna pay animation. Promise, dili kamo magmahay sa inyong ibayad. Congratulations sa cast og kudos to Direk Rodel Nacianceno nga bisan og first directorial job niya kini pero nagpakitang gilas kaagad. Si Rodel Nacianceno mao kini ang tinuod nga name ni Coco Martin so buot ipasabot, si Coco Martin sad ang direktor sa Ang Panday. Showing na kini sa December 25.