KON ‘SAME-SEX’ DI KINI MATAWAG OG KAMINYUON: PALMA

Gibarugan sa labing taas nga opisyal sa artsidyosesis sa Sugbo nga dili matawag nga kaminyuon ang panaghiusa sa managsama og

gender sama sa babaye ug

babaye o lalake ug lalake.

Si Cebu Archbishop Jose Palma namahayag nga may katungod si Presidente Rodrigo Duterte nga barugan ang iyang pagpaluyo sa same-sex

marriage ug gitahod kini sa simbahan.

Apan ang arsobispo nipasabot ang simbahan nagsige og tudlo nga ang pagpakasal sa managsama og gender dili matawag nga kaminyuon kay alang sa simbahan ang kaminyuon alang lang kini sa usa ka lalake tali sa usa ka babaye.

“It doesn’t mean nga we do not respect people pero para namo dili lang namo matawag nga kasal mao kini ang among pagtan-aw sa teaching,” dugang ni Palma atol sa

press conference kagahapon sa Archbishop’s Palace, siyudad sa Sugbo.

Pamahayag kini sa arsobispo human si Duterte gawasnon nga nipadayag sa iyang suporta sa same-sex marriage atol sa panagtapok sa mga lesbian, gay, bisexual and transgender (LGBT) community sa Davao sa miaging adlaw.

Ang presidente namulong nga ubos sa iyang administrasyon makasiguro og kaangayan ug suporta ang LGBT nga nakapaabiba nila.

Si Duterte nidugang nga lisod na nga ipamugos nga ipatuman ang dugay na nga moralidad sa moderno nga panahon.

Suma pa niini kon unsay makapalipay alang sa LGBT community iya kining tumanan.

“I said I am for same sex marriage, if that is the trend of the modern times. If that will add to your happiness, I am for it,” sumala sa presidente sa iyang pakigpulong.