TAMBAGI KO, NOY KULAS

Scholar

Dear Noy Kulas,

Hello! Tawga lang ko og Jessie, nagtrabaho na as clerk sa usa ka kompaniya diri sa Cebu.

Lovelife ang akong problem pero weird. Ingon ani ni, Noy Kulas. Naa ko cousin nga luoy kaayo og situation kay wa nay ikagasto ang iyang parents sa iyang pag eskwela. Sa akong kaluoy, nisekreto ko og offer niya nga ako ang mogasto sa iyang needs aron makapadayon na siya og eskwela. Natuman ra kay wa maputol ang iyang studies tungod sa akong tabang.

Karon sa akong tabang niya, na touch kaayo siya. Nitug an siya nga na develop ang iyang feeling diri nako hangtod nga nagkauyab mi. Wa pa mahitabo ang nahitabo sa uban kay nagpugong ra ko pero nakuyawan ko kay basin mahinaykan nako siya. So far, sekreto ang among relationship ug ang iyang parents wa mangutana diin siya og igasto sa iyang studies.

Unsa kahay akong buhaton nga nadutlan na man sab ko niya? Ipadayon pa kaha nako ang akong paggasto niya nga lain na man ang among gipadungan?

JESS

Jessie,

Wa man ka motug-an sa imong edad but bana-bana nako wa ka pay 30s no? Unya ang imong karelasyon ig-agaw ra sab nimo nga menor pa.

Kon medyo layo na nimo ang imong cousin, okay ra unta, apan kuyaw niana kay menor pa siya. Mahimong magkaproblema ka niana. Ayaw pagsige og paduol niya kay kanang edara, vulnerable kaayo na sila, labina kay ikaw ang naggasto niya. Bisan sa gamay nga attention, dako na kaayo na nga butang alang niya.

Naa koy nakaila nga tawo nga ang story ingon niani. Nag- offer siya og tabang sa pag eskwela sa usa ka babaye, from college until ni- graduate sa law ang girl. Ang ilang sabot nga quits na sila kon mo- graduate ang babaye. Apan nahimo na lang nga lawyer ang babaye, wa ni mosugot nga magbuwag sila until ang lalake maoy nikalas, niadto sa abroad aron makalikay.

Akong buot ipasabot, likayi as much as possible ang physical contact ug kanunay nga panagkita ninyo aron malikayan mo ang di maayong sangkoan niani. Suportahi siya but as much as possible, limit lang sa inyong panagkita kon mohatag ka. Kana lang ang angay mong buhaton. Maayo ang pagtabang, apan ang pagsakay sa gibati sa bata, ang di maayo.

NOY KULAS

Alang sa imong problema, e-mail sa kulassuper@sunstar.com.ph ug rojval69@ yahoo.com