YANO NGA KADAUGAN
Sama sa gipaabot, saktong dominasyon maoy gipakita sa defending champion San Miguel Beer batok sa Phoenix, 104-96, sa unang adlaw sa PBA Philippine Cup niadtong Dominggo sa Smart-Araneta Coliseum.
Ang yanong kadaugan napuga sa Beermen pipila ka oras nga miluwat sa iyang katungdanan ang kontrobersiyal nga commissioner nga si Chito Narvasa. Temporaryong mihulip kang Narvasa ang chief media bureau nga si Willie Marcial samtang wa pa makapili ang board og commissioner.
Ginamit ang bag-ong offense nga naghatag og patas nga oportunidad sa tanang mga players, ang Beermen balansing nakigbatok sa Phoenix diin lima sa ilang mga starters ang nakapugnit og double digits nga puntos.
Ang pagdibuho og 18-4 nga rally gikan sa 85-80 nga labaw ang miinat ngadto sa 19 puntos ug wa gyud kini mohatag og igong kompiyansa nga maoy nakapasubo og kapildihan sa bag-ong Phoenix coach nga si Louie Alas.
“The first win is always really hard,” matod ni SMB coach Leo Austria. “Everybody prepares hard for us. I really have respect for Phoenix especially with the new coaching staff. Unfortunately, we have an intact lineup that plays like a well- oiled machine.”
Si June Mar Fajardo ang miankorahi og 23 puntos, 16 ka rebounds, upat ka assists ug upat ka blocks alang sa Beermen. Apan sa ilang bag- ong opensa, ang four-time MVP nakakuha og daghang suporta sa iyang kaubanan.
Mirehistro og 22 puntos si Alex Cabagnot nga may upat ka assists ug duha ka boards samtang midugang og 20 si Marcio Lassiter, 16 gikan ni Chris Ross ug 14 usab kang Arwind Santos. Nangulo sa PHoneix si Jeff Chan, 18 puntos, lima niini pulos gikan sa
three-point area.
SMB (104) — Fajardo 23, Cabagnot 22, Lassiter 20, Ross 16, Santos 14, Pessumal 5, Ganuelas-Rosser 4, Agovida 0, Heruela 0, Lanete 0, Mabulac 0, Mamaril 0, Vigil 0. Phoenix (96) - Chan 18, Wright 12, Alolino 11, Chua 11, Wilson 11, Dehesa 8, Kramer 6, Jazul 4, Eriobu 2, Intal 2, Revilla 1.