SAPATOS NI JAMES LAINLAI’G KOLOR
Itom ang tuo, puti ang wala isip niyang pagpika ni Pres. Trump
Sul-ob ang espisyal nga sapatos – usa ka puti ug usa sab ka itom nga gitawag og “Equality” - si LeBron James nimugna na sab og
triple-double aron tabangan ang Cleveland Cavaliers sa pagbuntog sa host Washington Wizards, 106-99, kagahapon sa National Basketball Association (NBA).
Ang four-time MVP nagpakatap og 20 puntos, 15 assists ug 12 rebounds aron irehistro ang iyang ika-61 nga career triple double.
Gipasabot ni James nga ang iyang pagsul-ob og lainlain nga kolor nga sapatos adunay kalambigitan sa duwa nga gipahigayon sa lugar nga nahimutangan sa pinuy-anan sa presidente sa Amerika nga mao ang White House.
“This is a beautiful country and we’re never going to let one person dictate how beautiful and how powerful we are,” matod ni James, kinsa nimugna sa iyang ikaupat nga triple-double sa miaging lima ka mga duwa sa Cavaliers.
“I actually played pretty bad tonight. I wasn’t as strong with the ball: I had six turnovers. Kind of lazy with the ball, at times,” dugang ni James. “And my teammates did a great job bailing me out.” Ang Cavaliers, nga ningsaka
sa 23-8 nga rekord, gipangulohan ni Kevin Love pinaagi sa iyang 25 puntos, nidugang og 15 puntos si Jeff Green ug nitampo’g 11 puntos si Kyle Korver. “He just affects the game in so many ways and makes a lot of plays for other guys, too,” matod ni Love kabahin kang James. “He’s just setting us up and getting us into our
spots. That’s what he does. He’s our leader.”
Ang Wizards, nga natagak sa 16-14 nga rekord, gipangulohan ni Bradley Beal pinaagi sa iyang 27 puntos samtang nitampo og 15 puntos si John Wall.
PISTONS 114, MAGIC 110
Sa Detriot, nimugna og career-high nga 20 puntos si Reggie Bullock aron agakon ang host Pistons ngadto sa kadaugan batok sa Orlando Magic.
Ning maong kombati, nagpauwan og 17 ka three-point shots ang Pistons, nga ningsaka sa 17-13 nga baraha.
Ang Magic, nga nahagbong sa 11-20 nga rekord, gipangulohan ni Nikola Vucevic pinaagi sa iyang 24 puntos ug 14 rebounds.
RAPTORS 108, KINGS 93
Sa Toronto, nimugna og 21 p0untos si DeMar DeRozan aron agakon ang host Raptors sa kadaugan batok sa Sacramento Kings.
Nidugang og 16 puntos si Kyle Lowry alang sa kadaugan samtang niamot og 13 puntos ug career-high 16 rebounds si Jonas Valanciunas.
Ang Kings gipangulohan nila ni Bogdan Bogdanovic ug Garrett Temple pinaagi sa ilang 18 puntos matag usa.
PACERS 109, NETS 97
Samtang sa New York, nipupo og 26 puntos si Victor Olapido samtang niamot og 17 puntos si Domantas Sabonis aron panulohan ang kadaugan sa Indiana Pacers batok sa host Broolyn Nets.
Nidugang sab og 17 puntos si Allen Crabbe alang sa Pacers apan wala na siya nakamugna og puntos sa 2nd half.
Ang Nets gipangulohan nila ni Quincy Acy, Caris LeVert ug Joe Harris pinaagi sa ilang 14 puntos matag usa.