Sunda ang mando sa balaud: Fortuna
Gipasidan-an ni Mandaue City acting Mayor Carlo Fortuna ang tanan opisyal sa dakbayan nga wa gipanag-iya niini ang gihuptang buhatan ilabi na kon makabuhat og sayop sa katungdanan.
“Reminder to all government officials, we don’t own the barangay hall. We don’t own the city hall. We don’t own the office. We are just towards. So if you perform something against the law and the law says that you have to leave the office then you have to follow the law. Because most and foremost, mao man na atong oath, to obey duly legal order issued by the authorities,” matod ni Fortuna sa dihang nahinabi sa Superbalita Cebu.
Ang mga pulong sa acting mayor base sa taho nga iyang nadawat nga nag-camping sud sa barangay hall si suspendidong kapitan Renato Suson.
Si Suson uban sa laing duha ka mga kagawad sa barangay gipaubos sa 60 ka adlaw nga preventive suspension nunot sa kalambigitan niini sa “ghost deliveries” sa mga materyales sa pagtukod sa Material Recovery Facility (MRF) sa barangay. Ang mando sa suspension giserve sa Department of Interior and Local Government (DILG) ug City Legal Office niadtong Huwebes sa buntag.
Matod ni Fortuna nga ang nipuli ni Suson isip kasamtangang kapitan mao si Amado Manatad maoy nitaho kaniya kalabot niini.
Si Manatad matod pa mopirma na unta sa mga papeles sa banko aron ma-release na ang kwarta sa mga kawani sa barangay sanglit hapit na moabot sa walo ka buwan nga wa kini makadawat sa ilang sweldo, matod ni Fortuna.
Dugay na sab nga way koleksyon sa basura sa barangay, dugang niini. Gisuwayan pagkuha sa habig ning mantalaan si Suson apan di kini motubag sa telepono.
“I think he should rethink his actions of closing the barangay hall kay right now he is no longer the barangay captain of Labogon. Akong giawhag siya (Suson) to respect the law, he is now under preventive suspended and the duly recognized and legitimate barangay captain for 60 days right now is Brgy. Captain Amado Manatad,” sumala ni Fortuna.
Paambit ni Fortuna nga di niya buot nga mosamot ang sitwasyon apan kini magdepende ni Suson kon motuman kini sa balaod.
“We will ensure that Brgy. Captain Manatad will fully conform his functions..," matod niya.