Masipang torotot 2018!
Masipang boto-boto kanatong tanan pero sipa pa ba nga gidili naman ang mga paboto? Gani, sa miaging pasko menos na ang mga nagpaboto. Pero sama sa miaging tuig naa gihapoy mga nabuthan. Karong tungang gabii mas modaghan kaha ang mabuthan? Amping lang!
Karong bag-ong tuig sugaton na lang nato ang 2018 sa mga torotot, tambol, syinagitay ug mga paka-paka sa kaldero ug lata para pawala sa malas ug palayo sa disgrasya.
Sa pagtapos sa tuig 2017 inyo na sigurong nakita ang teaser sa mga bag-ong teleserye sa 2018 sa Kapamilya network. Tulo ka mga bonggang serye sa Dos ang angay natong atangan.
“Sana dalawa ang puso,” duha ka kasing-kasing o duha ka Jodi Sta. Maria ang atong makita dinhi kauban sa duha ka leadingmen Richard Yap ug Robin Padilla.
Ang Jodi ug Richard Yap katapusan natong nakita sa pelikulang “The achy breaky heart” ug sa teleseryeng “Be careful with my heart” mao nga siguradong atangan sa ilang mga fans ang seryeng “Sana dalawa ang Puso”.
Sa seryeng “Asintado” bida ang Julia Montes. Nakasiguro ko nga mahunong na ang mga tsismis nga mag-ober da bakod ang Julia o mobalhin sa laing network.
Sa primetime bida nato makita ang teleseryeng “Asintado” ug grabe kanindot sab ang casting kay makauban ni Julia Montes ang Lorna Tolentino plus Cherry Pie Picache, Agot Isidro, Shaina Magdayao, Paulo Avelino, Jc Santos, Empress Schuck, Aljur Abrenica ug Louise Delos Reyes sa direksyon ni Onat Diaz, Lino Cayetano ug Jojo Saguin.
Sa “The Blood Sisters” usab tulo ka Erich Gonzales ang atong makita dinhi, may pagka-bidakontrabida ang dating sa babaye ug medyo may mga kontrobersyal ug daring ang mga eksena sa dalaga, ug may aksyon pa.
Lahing Erich Gonzales ang atong masaksihan kay tulo kabuok ang iyang karakter. Makauban usab niya og balik ang duha ka leadingmen sa seryeng “Katorse” nga silang Enchong Dee ug Ejay Falcon. Ay’g saba!
Daghan ang naghulat sa boxoffice result sa MMFF 2017 pero wala pay resulta nga gipagawas kay ang ilang kasabutan nga inig ka human na sa festival sila magpagawas. Ay’g saba.