Jason Abalos pasok sa bag-ong GMA serye
MANILA - Nagpadayon ang rigodon karon sa mga artista in search for greener pasture. Tuig 2018 na pero uso pa gihapon ang lipatan sa mga artista gikan sa ABS-CBN padung GMA ug from GMA to ABS-CBN.
Ang latest transferee mao ang kanhi Kapamilya actor nga si Jason Abalos nga karon Kapuso na. Jason stayed sa Kapamilya Network kapin sa 10 ka tuig ug in fairness sa Dos, napasikat nila si Jason ilabi na kaniadtong mga panahon nga gi-partner siya kang Maja Salvador.
Sa usa ka interview, niangkon si Jason nga hapit jud kuno niya panguyabi si Maja pero that time, ang ilang tagsa-tagsa ka career ang ilang priority plus mga bata pa sila.
Hangtod sa napunta si Maja kang Gerald Anderson ug si Jason naman, sa ex PBB housemate nga si Vickie Rushton. Ambot kung sila pa hangtod karon. Wa mausik ang pagbalhin ni Jason sa Syete tungod kay apil si Jason sa bag-ong programa sa Kapuso nga “The One That Got Away”.
Sa bag-ong “pinuy-anan” ni Jason, manghinaut ako nga mas mosidlak pa ang career ni Jason Abalos.
Usa ako sa nasubo sa dihang nabalitaan ko nga nasunog ang balay sa folk singer nga si Freddie Aguilar sa North Fairview, Quezon City.
Pipila ka higayon ko nang napuntahan ang maong balay ni Freddie (kauban ang ubang press) tungod kay bago magPasko, manaygon kaming mga reporter sa maong balay. Simple lang ang maong balay, bungalow pero puno kini og mga memorabilia sa pagka-singer ni Freddie. Naka-display didto ang iyang mga karaang gitara, ang iyang mga albums, mga clippings, trophies ug uban pa. Nasunog kini tanan ug way nasalbar.
Maayo na lang kay ang nagpuyo sa balay nakagawas. Pero years before, ang unang balay ni Freddie nga among panaygonan mao ang balay niya sa New Manila nga bisan og old style pero dako sad og hawanan.
Ambot kon nganong wa na kami didto papanaygona ni Ka Freddie ug sa North Fairview na niya kami gipaadto, pero yun na nga, nasunog! /