Supak ang parents

Dear Noy Kulas,

Ako si Jen, 35 years old but still single. Di sab maingon nga way nanguyab nako pero wa koy gitangdo nila tungod sa akong parents.

Sa mga magsuon, ako na lang ang nahabilin diri kay silang tanan toa na sa layo namuyo. Ako ang nabinlan sa akong parents. Magpadad anan sila og panggastos sa amoa hinuon aron di mi magkalisod.

Ang uwahi nga nanguyab nako mao si Dodoy, buotan ug negusyante. Pero sila si Mama ug Papa ug di ganahang makauyab ko kay hasulan kuno sila. Pero pursigido si Dodoy diri nako bisan ang akong parents di managad niya kon mamisita siya sa amoa. Wa siya magmind kay iyaha kunong i prove nga serious siya. Kon magminyo kuno mi, motipon siya sa amoa bisan duna na siyay balay ug yuta nga kompleto.

Bisan pa sa iyang pasalig, ang akong parents supak gihapon. Gusto sa akong mga igsuon nga tumanan sila si Mama ug Papa. Noy, unsa may mahitabo kaha nako kon tumanan nako ang akong pamilya?Nag 35 years old na ko and I am not getting younger. Maayo kaha ako silang uyonan? Please tambagi ko.

JEN

Jen,

Sabta ang imong parents nga nangabalaka nga mabiyaan ninyo silang tanan. Ilang nakita ang nahitabo sa imong mga igsuon nga toa na namuyo ang tanan sa layo. Di lalim sa usa ka ginikanan nga mahilayo ang mga anak, labina kon medyo tiguwang na sila. Mao na nga protective kaayo sila nimo kay ikaw na lang baya ang nahabilin kanila.

Kon di makig-atubang ang imong parents kang Dodoy, ipaagi na lang sa suwat o video ang iyang pagpakig-communicate kanila. Imong papaminawon sa video ang imong parents aron makapaminaw usab sila sa side sa lalake, sa ingon ma-assure sila nga bisan magkinaunsa, di mo sila biyaan. Kay lisod baya kon single ka, nga wa kay ikauban sa kinabuhi kon matiguwang ka na. Mao nay gisulti sa akoa sa pipila ka mga professional nga natiguwang na nga way kaabag sa pagpuyo. Mao na nga lantawa usab ang ugma. While nagkonsiderar ka sa kalipay sa imong parents, think also of yourself sa umaabot nga katuigan.

Ganahan man kaha kang magminyo ug makabaton og anak, just do it kay makasabot ra imong parents kanimo.