EX-UV PLAYER, SHS-ADC NALAKIP SA GILAS 2023

Duha ka mga produkto sa Cebu basketball ang nahilakip sa 23 ka batan-ong mga basketbolista nga gihingalan ni Gilas Pilipinas coach Chot Reyes nga ilakip sa national training pool alang sa gikaintapang 2023 FIBA World Cup diin usa ang Pilipinas sa mga host kauban ang Japan ug Indonesia.

Usa niini mao si Paul Desiderio, kinsa kanhi magduduwa sa UV Baby Green Lancers ug kasamtangantang sakop sa UP Fighting Maroons.

Ang laing usa nga gikan sa Sugbo mao si Joshua Sinclair, kanhi magduduwa sa Sacred Heart School-Ateneo de Cebu (SHS-AdC) Magis Eagles ug kasamtang sakop sa National University (NU) Bulldogs.

Mangulo ning maong listahan mao sila si UAAP Season 80 Finals MVP Thirdy Ravena sa Ateneo Blue Eagles, Robert Bolick sa San Beda Red Lions ug Kobe Paras, anak ni PBA Rookie/MVP Benjie Paras.

Naa sab sa listahan ang 16 anyos ug 7’2” nga sentro sa Ateneo nga si Kai Zachary Sotto ug NCAA Season 93 MVP Jaymar Perez sa Lyceum Pirates.

Ang ubang naa sa listahan mao sila si Juan Gomez de Liano sa UP, Remy Martin sa Arizona State University, Matt Nieto sa Ateneo, JJ Alejandro sa NU, Kenneth Tuffin sa FEU, Jeo Ambohot sa Letran, Dwight Ramos sa California State University, Arvin Tolentino sa FEU ug Javee Mocon sa San Beda.

Naa sab sila si Isaac Go sa Ateneo, Abu Tratter sa De La Salle University, Ariel John Edu sa Llandovery College sa UK, Carl Tamayo sa NU, Kenmark Cariño sa San Beda, Will Allen Gozum sa Mapua, ug Troy Rike sa Wake Forest University.

Gibutyag sab ni Reyes ang mga sakop sa Gilas nga padayong mokombati sa FIBA World Cup qualifiers sa sunod buwan.

Kini mao sila si Jayson Castro, Kiefer Ravena, Kevin Alas, Jio Jalalon, RR Pogoy, Matthew Wright, Allein Maliksi, Gabe Norwood, Calvin Abueva, Carl Bryan Cruz, Mac Belo, Troy Rosario, Raymond Almazan, Japeth Aguilar ug June Mar Fajardo.

Napulo ug usa niini ang nakaduwa na sa first qualifying niadtong Nobioyembre diin ningdaog ang Gilas batok sa Japan ug Chinese-Taipei.