8 INSIDER TIPS: UNSAON PAGBOOK OG ‘PISO FARE’ FLIGHTS
Tinuod diay ang ‘Piso Fare’?
Tinuod ug dili. Tinuod, tungod kay kon moingon ang airlines nga PISO Fare, nagpasabot na sa base fare,o ang kantidad sa plane ticket ra. Ug oo, mamahimo nga P1 ra ang base fare. Dili, tungod kay aduna’y laing bayrunon nga apil sa maong pletehan susama sa web admin fees ug buhis sa gobyerno. Apan giatngan gyud ning mga promo tungod sa kadako sa dikwento aron makabiyahe ka sa lagyo nga dapit sa presyo nga ubos.
Tungod kay nagkadaghan na ang low-cost carriers o kining mga budget airlines grabe ang kompetisyon, hinungdan nga dali na kaayo ipangita og barato nga plete sa eroplano.
Pero bisan paman sa mga anunsiyo sa airlines sa ilang social media accounts sa ilang promo, sawayon gihapon kini tungod sa nagkadaiyang reklamo susama sa dili makasulod sa website, dili makakita sa maong sale ug uban pa.
Salig nako, tinuod ang promos. Ako nga tigdumala ani nga page, naka-book ko og P1200+ paingon ug pabalik Taipei, Taiwan gikan sa Sugbo. Dapat pasensyoso lang gyud tuod ka nga mangita.
Ania ang pipila ka rason nganong dili nimo makita ilang sale:
Ang gidaghanon sa ilang sale, limitado. Dili pud mahimo nga usa ka flight/eroplano, sale tanan. Naa gyud na’y ihatag ang airline nga impormasyon kon pila ka seats ang naka sale.
Chaka ilang website.
Mao nani ron, kusog kaayo sila mo-promote apan igkadagsa sa mga netizens, wan-a, dili na makasulod sa ilang site.
Mas chaka imong connection. Ses, tan-awa sad na imong 1MB nga connection uy, gabaguod.
Ania ang pipila ka mga internal tips nga tanyag sa @thepoortraveler alang sa tanang gusto molaag karong 2018.
1. Pagsunod sa social media accounts sa mga airline
Kon nagstalk ka’s imong crush ug sa imong ex pero nasakitan ka, apilag stalk ang Twitter ug Facebook
accounts sa airlines, kay ilaha nang i-post kon kanus-a ilang Piso Sale.
Lisod tagnaon kon kanus-a sila mag-sale apan sagad niini kining anibersaryo sa ilang airlines, o kanang mga holidays susama atong nakalabay nga pasko.
2. Pag-abli og account bag-o ang sale.
Kini aron dili na ka magtype og daghang impormasyon kon mag-book ka. Naay pipila ka mga airline nga aduna’y booking timeout.
Mas maayo naa’y account aron naka-save na tanang impormasyon lakip na imong
financial details.
Gawas ana, aron usab maapil ka sa ilang rewards program. Aduna’y airlines nga mohatag og kalit nga EXCLUSIVE sale sa members niini. Airasia BIG alang sa AirAsia, GetGo alang sa Cebu Pacific Air ug Mabuhay Miles sa Philippine Airlines.
3. Andama ang detalye sa imong kauban ug unsa’y gusto niini.
Kon mag-book og flight, labing importante ang pangan ug birthdate sa i-book nga tawo.
Lakip sa angay usab ninyo sabutan kining asa inyong destinasyon, alternative destination kon puno o dili naka makakita og sale ana nga rota, petsa kanus-a molarga ug oras nga gusto.
4. Pagsayo sa pag-book. Pagbook sa unang adlaw sa SALE.
Kon ang anunsiyo nga sale kay Nobiyembre 3-6, pag-
book sa Nob. 3. Mas dako imong chance nga makabook ka. Kon makakita ka og barato nga plete, i-book na dayon na.
5. Pagbook sa kaadlawon
Duka tuod pero naa sa kaadlawon, o sa pagsugod sa tungang gabii sa day 1 sa sale ang ubos nga presyo sa flight fare. Aduna’y pipila nga sa unang tulo ngadto sa upat ka oras ang antos sa book apan nagmalampuson.
6. Pangita og laing petsa
Kon wala na’y bangko sa imong napilian nga petsa, o nimahal na siya, pangita og laing petsa.
Be patient. Kinahanglan ang taas nga pasensiya sa panahon nga gusto kay kag sale.
7. Pili og dili kaayo sikat nga destinasyon
Kanang mga destinasyon susama sa Boracay, Davao, Camiguin, Siquijor, o Palawan, gilauman nana nga daghan ang nag-apas makabook ana.
Pangita og laing destinasyon nga dili sikat apan nindot gihapon ang tourist spots susama sa Iloilo diin aduna’y Guimaras ug Gigantes Island. Laoag diin makabisita ka sa Pagudpud ug mga maanindot nga destinasyon sa Ilocos.