Zombie drugs posibling ania na sa CV:PDEA

Hugot karon nga gimonitor sa Philippine Drug Enforcement Agency 7 kining bagong matang sa illegal nga drugas nga gitawag nila og Flakka drugs kun giila nga Zombie drugs nga posibling nakasulod na sa Central Visayas ug gikabalak-an nga ipakatap ning panahon sa Sinulog.

Matod ni Director Emerson Margate sa PDEA-7 nga dili pa kini kompermado apan duna na silay gihimong imbestigasyon uban ang kapulisan sa Central Visayas aron mapakgang ang pagsulod niini sa Sugbo ilabi na nga nagsingabot na ang sinulog.

Ang Flakka kun Zombie drugs nauso kini sa nasud sa Mexico ug America apan niadtong miaging tuig nasikop sa PDEA didto sa Kaulohan ang miyembro sa dakong sindikato sa illegal nga drugas nga nag supply sa Flakka drugs diin kadtong maka tumar niini mahisama sa zombies.

Dugang ni Director Margate nga ang nasakmit nga mga ecstacy niadtong duha ka negosyante nga nasikop sa hiniusang anti drug operation sa PDEA ug Police Regional Office 7 niadtong miaging semana nasuta nga nag positibo nga party drugs ang mga kapsula nga nakuha ug posibling ang ubang ingredients niini dunay Flakka drugs.

Ang target sa pagpamaligya sa maong matang sa drugas mao ang mga batan-on.

Matod sa PDEA-7 Director nga kung tinuod nga naa na ang Flakka kun zombie drugs sa Sugbo angayan na nga maalarma ang kapulisan ug ang ubang otoridad sanglit mahimong mamatay ang mga tawo nga mogamit niini.

“Para sa akin sa ngayon hindi pa alarming pero kung na intake na natin ito alarming talaga yan, makita natin na naka potent yung effect nya eh kung ikaw magulang eh matatakot tayo sa mga anak natin,” matod ni Director Emerson Margate.

Sama sa ecstacy ang bagong matang sa drugas isagol sa ilimnong makahubog kung dili ug makita dayon ang epekto sama sa pagkurog sa tibouk kalawasan sa maka inom niini.