nakigminyo sa espirito si misis
Wa naka ganahi makig-date og tawo nunot kay giduwaan lang imong gugma?
Kon mao na, mamahimo kang mosunod ni Amanda Teague diin gisalikway ang mga buhing lalake ug nagpakasal sa kalag.
Ang relasyon sa 45 anyos nga si Amanda ug sa iyang bana nga kalag na nga si Jack normal lang diin mag-date silang duha, adunay higayon nga maglalis sila ug mag-sex usab sila.
Apan si Jack namatay mga 300 ka tuig na ang nakalabay.
Si Amanda, usa ka babaye nga Jack Sparrow impersonator, adunay lima ka mga anak uban sa iyang kanhing bana ug wa na siyay lain nga gikarelasyon karon gawas kang Jack, matod sa taho sa metro.co.uk.
Bisan wa magpakita og porma si Jack, matod ni Amanda nga usa ka kini ka Haitian pirate, kinsa miingon kaniya nga itom kini ug may “jet black hair” ug gipatay sa mga krimen nga gihimo niini niadtong 1700s.
Si Amanda nga molupyo sa Downpatrick, Northern Ireland, nagtuo nga ang iyang koneksyon sa pirata maoy naghatag nilag koneksyon nga nagsugod nga managhigala sila unya milambo ngadto na sa mahigugmaon nga relasyon.
Iyang gitumbok nga nagkasuod sila hinungdan nga nasayran niya ang iyang pagkatuo ug diha nisamot nga giganahan siya niini.
Midugang siya nga dihay higayon nga giingnan siya niini nga mamahimo sila nga mahiusa apan wa pa siya makadungog nga may suod nga relasyon ang espirito ug tawo kaniadto.
Nipahigayon siya sa pagtuon ug iyang nasuta nga adunay daghang mga tawo ang nalambigit sa “spritual relationships” apan di daghan ang gusto nga moestorya niini.
Si Jack, kinsa wa naminyo dihang buhi pa kini matod ni Amanda, usa gamhananang espirito diin iyang mabuksan ang
stereo ug mahimong pagngon unya sirhan ang suga dayon palihukon ang mga butang.
Nangangkon si Amanda ang iyang pamilya nagpaluyo sa ilang relasyon diin si Jack ni-propose kaniya.
Midugang siya nga iyang giingnan si Jack nga di kaayo siya ganahan makig-sex sa espirito ug gusto niya nga may “commitment” sila sa usag usa. Gusto niya nga adunay dakong kasal nga mahitabo diin anaa ang puti nga senina nga isul-ob sa kinasal diin importante kaayo ni niya.
Atol sa kasal ningadto silag dagat aron mahimong legal ang ilang kaminyuon diin misakay silag barko nga nagtugot sa iyang 12 ka mga suod nga higala ug pamuilya nga makasakay alang sa seremonyas.
Migamit silag butang nga makahimo si Jack og “I do” ug migamit og kalabera unya may
“crossbones flag” aron mopresentar sa iyang pamanhunon.
Nitug-an siya nga ang pakighilawas uban sa espirito sama ra nga nakig-sex siya sa tinuoray nga mga tawo.
Si Amanda mihulagway nga matagamtam niya ang espirito diin gihikap iyang kamot lakip iyang nawong ug buhok.
Iyang gitumbok nga ang nakalahi lang sa “sexual relationship” sa espirito mas lawom ang epekto niini. /