Andam ba ka magpaka-martir bisan gi-abusaran na ka sa inyong relasyon?

Gerlie Robin

Para nako dili maayo nga mahimong kang martir uy. Sa ako experience, 7 years mi nga ang akong kalibutan nagtuyok lang niya bisan giabusaran nako niya ako lang gi-antos kay lage tungod love nako siya and di ko gusto nga mawala siya kay para nako kapoy sige ilis ilis. Sa akong ka martir, miabot nga wala na makaya sa akong hunahuna, sa akong kasingkasing pati sa akong lawas. Dili maohap sa tudlo ang iyang sala diri nako ug miabot sa punto nga nadala ko sa hospital og 4 days ko nga wala kaila sa mga tawo. Pwerte hilak sa ako mama kay abi niya mawala nako nila. Pagmata nako, siya lang gihapon akong gi- pangita.

Mae Francisco

Oh c’mon it’s 2018! Shodi martir-martir mga besh! Kung feel nimo abusado na siya sa inyong relasyon, kanang lakiha tagai’g leksyon kay mapuno jud kas konsimisyon. Pero naa sad ju’y uban nga magpa ka martir kay lagi gugma kaayo! Unsaon man na imong gugma og ikaw mismo gibuang na niya? Meaning ana di ka enough niya kay kung tarong pa siya di siya mangitag lain para hulipan ka! Charooot! Laban lang gyud ta, girls.

James Chavez

It’s a matter of choice, mostly they will choose dili na, but for some, naa man jud andam magpaka martir. Para nako take the risk, until such time nga kapuyan na ka, that will be the end of it. At least, wakay mahayan.

Mikie Montegrande

Dili ko mosugot nga abusaran akong paghigugma sa usa ka tawo kay for sure someday kon magkadayon mi, di mi magkasinabut, dapat give and take lang di kay naay mo-abusar.

Krishia Delector Flores

Lisod jud kaayo nang sitwasyuna. Kung madala pa’g istorya, madala pag sabot, okay ra man ipadayon ang relasyon basta kay mo- sunod sa sabot. Pero kun dli? Maypa’g undangan samtang sayo pa. Kung gihatag na nimo tanang chances pero abusado jud kaayo, hala, maypa’g magpuyo. Maypa’g ma-single mom kaysa sa naa pares pero gahatag sad ug labad sa ulo.

Russel Aupe

Para nako dili, di sayon abusaran ra imong gipakita nga gugma para sa usa ka tao. Kung wala na siya na higugma, aw, buhian, total mawa raman jud na ang kasakit. Kay once man gud abusaran naka sa usa ka tao nga imong gihigugma sama rasad ug gitamakan imong pagka-tao. Sa ginaingon pa bitaw sa pinulongang Ingles, “If you love the person let it go.”

Rebarbas Angel Paquera

Asa ko magpakamartir bisag love pa na nako siya, unya lantaw naku nga ng abusar siya sa akong golden love? Way duha-duha, goodbye nalang daan nungka akoy magpakatanga!

Florabel Ortega

Dili na na maayong buhat kung abusar na ang hisgutan. Naay uban magpakatanga sa ilang gugma sa ilang pares bisan kini gi-abusaran na og taman. Ang uban magpabilin og magpakamartir tungod lamang sa ilang anak aron duna pa kini gikauban niya mga ginikanan og magpadayon gihapun ang gitawag nga pamilya. Ang uban magpaka-martir tungod sa ilang dako kaayo nga gugma sa ilang partner bisan giatubang na kini og abusar.

Vicky Lasdoce Verallo

Para nako kon gihigugma jud nimo ang usa ka taw dawaton nimo ug unsa ang iyang mga bati ug nindot pero wala nagpasabot nga bisan giunsa nalang ka og pasakit ug abuser, abi kay nahigugma ka niya, magpaka-martir nalang pud murag dili nana gugma nagpakatanga nana kay ang gugma nga tinood dili selfish give and take dapat ug may pagsinabtanay aron may forever gyud.

Mary Ann D. Revadillo

No way! It’s not in my vocabulary kanang magpaka-martir. You should treat each other fairly. You commit to a person not to be abused, but to be loved. Kung mangabuso man lang gani buwagan deritso uy. Don’t settle for less.