Sayop sa presidente?

Kon wa pa lang unta magpasaway ang presidente ug mga sipsip nga mga kongresista ug senador sa paghatag ug doble nga sohulan sa kapulisan ug militar apil na ang build build programs dili kita magkalisod.

Wa man ta magsupak anang pagpatuman sa mga proyekto. Ang katawhan man ang makabenepisyo kon molambo ang ekonomiya.

Ang nahitabo naukay ang katawhan kay di man lang intawon ang mga pulis militar, mga sundawo ug kinsa pana sila diha ang adunay panginahanglan.

Tan-awa di lang ang mga magtutudlo, mga doktor ug mga nurses. Mr. President, ang mireklamo apil na ang kadaghanan kay duna kay pinalabi .

Hinuon, ang mga magtutudlo sama sa kapulisan , militar , nurses ug doctor sa gobiyerno sobra intawon sa minimum ang ilang sohulan.

Kon imong palawman dili ang kinabag-an ang gilantaw sa presidente; maklaro ba nga aduna siyay gitagoan nga katuyoan?

Siyaro og wa niya makita nga aduna pay anaa sa gobyerno ang wa makaabot sa minimum nga sohulan. Samtang ang uban kanila naa pa sa kahimtang nga job oder ug way madawat nga benepisyo.

Kana lang mga kabus nga wa pa gyud intawoy mga trabaho. May nalang gani makakaon ug kaduha sa usa ka adlaw.

Ang nahitabo karon, mao ang pagsaka sa kalisud sa kahimtang sa pagpuyo kay mahal na ang tanan.

Gumikan niini mitumaw hinoon ang mga pagduda nga gamiton sa Presidente nga tigpanalipod ang kapulisan ug militar aron matuman ang iyang gusto ?

Karon nabuhi nasab pagbalik ang Charter Change kun Cha Cha. Bisa'g unsaon klaro kaayo ang paglugway sa termino sa mga buayang pulitiko.

Ang excise tax ubos sa reform law o TRAIN makahatag og domino epic. Ang National Food Authority (NFA) nipahibawo na sa pagsaka sa prisyu sa bugas.

Simbako lang og kon mahitabo ang pag-alsa sa katawhan pinaagi sa mga protesta batok sa gobiyerno maka laom ba kita ug paglaban sa kapulisan ug kasundaluhan?

Gani nahitabo na ang init nga away sa social media. Pero ang gikabalak-an mao ang mahitabong krimen tungod sa kagutom.