Di pa seguro siya

Dear Papa Joe,

Just call me Vilmarie, taga Mabolo, Cebu City. 24 anyos pa ko ug usa ko ka single mom. Mao niy resulta sa giingon nimo sa radio nga wa maghunahuna sa future. Well, napaangkan ko pero naka move on na ko ana. Ang ako lang kay ang present.

Nag work ko isip usa ka call center agent. Dili ko mailhan nga angkan tungod kay wa man ko malusyang ug tungod sa kabata pa nako nanganak, wala kaayo maapektuhi akong lawas. Wa sad kakita akong mga kauban nga kuyog nako akong anak kay naa man sa akong mama ug wa sad nako ni ipakita sa Facebook kay di ko ganahan makakita iyang way ayo nga papa.

Karon naay nagsige og iring-iring nako as in nanguyab ug I know nga love ko niya ug na love na sad nako siya kay sige mi og kuyogkuyog. Ang nakahasol nako kay dihang ako siyang gisultihan nga may anak na ko, di siya motuo kay gi discourage kuno nako siya. Dihang gipakita nako akong anak niya, dihang namugos siya, nausab na man hinuon siya. Karon sa trabahoan namo kay molikay na siya ug taphaw na iyang tinagdan. Unsa may buhaton nako? Tambagi ko.

VILAMRIE

Vilamrie,

Tinuod, love gyud siguro ka sa lalaki pero sa lahi nga level, dili gyud na ipaglaban. Maybe ganahan siya sa imong company or physical nimo. Kay kon tinud-anay gyud siya nga nahigugma nimo, di ka niya ikauwaw o andam siya ipaglaban ang imong past. Pero kana kay nilikay, di pa gyud siguro ka niya love kaayo kay nilikay na man. Meaning di gyud siya ready siguro sa ing ana na level sa relationship. Pang char char lang siguro. Maybe di pa siya. Huwat lang.

PAPA JOE