1st Lunghi Run sa Cebu karong Marso
Makasinati ang mga mahiligon og lumba sa dagan sa Sugbo og talagsaong fun run for cause sa pagpahigayon sa 1sth Lunghi Run karong Marso 25 sa Vibo Place sa dalan Escario, dakbayan sa Sugbo.
Ang fun run, nga gipasiugdahan sa Lunghi Runners-Singapore, TAD Runners ug Hello Kitty Runner-Cebu Hotel, ipahigayon alang sa kaayuhan sa grassroots running program ni Cebu Olympian Mary Joy Tabal ug coach John Philip Dueñas.
Ang lunghi, nga usa ka north-Indian nga termino sa malong (Maranao Garb) o sarong skirt, ihatag sa mga partispante gawas sa race singlet.
Ang lumba adunay men’s and women’s 12-kilometer ug 6K categories.
“I invite all to join this. It will be a different run. The goal of the run is to have fun and help kids because this is for a cause,” batbat ni Ali Akbar sa Lunghi Runners-Singapore.
Si Akbar ug Annie Penaroya sa Hello Kitty Runners-Cebu mao ang nakahunahuna sa pagpahigayon ning maong lumba sa Sugbo.
Una kining gipasiugdahan ni Akbar sa Singapore, mga lima na ka tuig ang nakalabay.
“We thought of JPD grassroots program as the beneficiary because the program is helping young kids,” asoy ni Penaroya.
Si Dr. Willie Estepa sa TAD Runners miasoy nga gibanabanang kapin sa 400 ka
runners ang mangapil niini.
“When ma’am Annie (Penaroya) called me, we did not hesitate to say yes, because we know it would really help our program,” matod ni Tabal, 29th Southeast Asian Games (Sea) gold medalist Tabal, kinsa adunay gatusan ka mga bata nga ubos sa iyang grassroots program. “Our goal really is to let the kids compete outside of Cebu but we don’t have the resources.”
Sila si Tabal ug Dueñas nagtudlo og mga bata gikan sa brgy. Guba, Cebu City, Liloan, Cebu, Sisters of Mary School Boystown sa Tungkop, Minglanilla ug Sisters of Mary Schools Girls Town sa Talisay City.
Wala’y ganting salapi kining maong lumba gumikan kay tinguha sa mga nagpasiugda nga himuon kining usa ka tiunay nga fun run.
Ang mga makahuman sa lumba makadawat og finishers’ medal gikan sa Singapore.
Ang rehistrasyon nagkantidad og P650 sa 12K ug P550 sa 6K lakip na niini ang lunghi, singlet ug refreshments.
Alang sa dugang mga impormasyon, mahimong motawag kang Penaroya sa 0925-5588600 ug Estepa sa 0933-3295308.