Blatche kuhao'g balik sa Gilas Pilipinas
Kuhaon pagbalik sa Gilas Pilipinas si naturalized player Andray Blatche alang sa ikaduhang tipik sa FIBA World Cup Asian Qualifiers sa sunod buwan.
Human nanghawod sa unang tipik sa kompetisyon, ang Gilas nakatakdang makigharong sa gikahadlukang Australia karong Pebrero 22.
Nagkanayon si Gilas Pilipinas team manager Butch Antonio nga nakigsabot na sila kang Blatche alang sa ilang pag-ataki sa Australia ug paghost sa Japan.
“We have already made communication,” matod ni Antonio sa interbyu sa Spin.ph.
Nagkanayon si Antonio nga nagpadala na sila og suwat sa mother team ni Blatche sa Chinese Basketball Association (CBA) diin nagduwa kini isip import sa Xinjiang Flying Tigers.
Wala pa man tuod motubag ang Fying Tigers apan malaumon si Antonio nga buhian ra niini si Blatche sa dili pa makigduwa ang Gilas sa Australia.
“In our letter, we identified pretty much when we start our daily practice, when we hopefully want to have him in, when we plan to leave for Australia and when he comes back and when he gets back to his mother team in China,” pasabot ni Antonio.
“In the CBA, the general notion is when one team releases, everybody who’s part of a national team gets released all at the same time. It cannot be later. It can be earlier if the team allows, but more often than not sabay-sabay sila.”
Sa laing bahin, gipaneguro ni Philippine Basketball Association (PBA) officer in charge Willie Marcial nga padayong mohatag og kinatibuk-ang suporta ang liga sa programa sa Gilas Pilipinas.
“Ang PBA one hundred percent susuportahan yan. All-out ang PBA (sa suporta),” matod ni Marcial dihang mitambong kini sa praktis sa Gilas niadtong Lunes sa Meralco gym.
Gani matod ni Marcial nga posibleng wala na’y limitasyon ang pagpahuwam sa PBA og mga magduduwa ngadto sa Gilas.
“Baka magulat kayo magpropose sila (PBA board) na wala ng limit ng players ang pagkuha sa team. Puwedeng mangyari yun,” batbat ni Marcial.
Sa kasamtangang kasabutan sa PBA ug Samahang Basketbol ng Pilipinas, usa lang ka beterano ug usa sab ka bag-o ang puwedeng huwaman sa Gilas sa matag team sa PBA.