Barangay konsehal nasikop sa buy-bust

Nasikop ang barangay konsehal sa Barangay Tangke, dakbayan sa Talisay nga naa sa listahan sa high value target sa kapulisan atol sa buy-bust operation niadtong Miyerkules sa alas 4:55 sa hapon.

Lakip sa nsakmit mao ang ilegal nga armas ug shabu ug upat ka drug personalities ang nasikop usab.

Ang nasikop mao si Romeo Santillan, 38, ug konsehal sa barangay, kinsa giingong nitahan na niadto apan giingong nagpadayon kini sa iyang ilegal nga kalihukan.

Ang suspek miangkon nga iya ang armas apan dili iya ang nakuhang shabu.

Ang upat nga nasikop mao sila si Chuck Filoteo, 32, taga sitio Riverside 1, Barangay Cansojong sa Talisay, Charlie Obrero, 41; Danny Racaza, 22, ug Neil Cabardo, pulos nagpuyo sa maong dapit.

Matod ni SPO2 Yvonne Ilustrisimo sa Talisay City Police Station nga si Filoteo mao ang ilang target sa buy-bust operation.

Human sa buy-bust, nasikop sa kapulisan si Filoteo sa dihang ilang gisaka ang balay nidagan ug nisaka sa ikaduhang andana sa giabangang panimay si Santillan nga nakit-ang nagbitbit pag armas.

Apan maayo nalang nga wala mahitabo ang pinusilay ug didto nasikop ang laing pang mga kauban niini.

Nakuha gikan ni Filoteo ang 18 ka gagmay nga pakite sa shabu ug kwarta nga gituohang halin sa pagbaligya ug ginadiling drugas.

Samtang si Santillan ang nakuhaan ug duha ka gagmay nga pakite sa shabu ingon man .9mm nga pusil nga aduna'y tulo ka buhing bala.

Ang tulo nga nasikop gilakip sa pagdakop human kini naabtan nga nag-pot-session sa dapit.

Matod ni Supt. Jason Villamater, outgoing nga pangu sa kapulisan sa Talisay niingon nga nitahan na kaniadto ang konsehal.

Nagkanayon si Villamater nga natayming lang nga didto ang konsehal atol sa buy-bust operation sa kapulisan bisan og dili kini maoy ilang subject.

Apan si Konsehal Santillan mihimakak nga iya ang shabu apan, niingon nga igo lang siya nga naglimpyo sa iyang armas apan dili iya anggidiling drugas.

Matod niya nga nagtinir siyag armas agi'g proteksyon sa iyang kaugalingon tungod sa hulga ug usab siya usaka ka Konsehal.

Si Villamater niingon nga tungod sa iyang pagka-konsehal sa barangay nahimo siyang high value target, apan sigun sa iyang nasayran nga usa lang siya ka manggamitay sa drugas.

Ang Tanke maoy usa sa mga barangay sa Talisay kanunay gipanid-an sa awtoridad human gikataho nga naghitak ang negosyo sa gidiling drugas.