Napukaw na kagahapon

Dear Papa Joe,

Tagu-a lang ko sa pangalan na Noel 38 anyos na taga Cebu, ang akong problema kay mahitungod sa akong sitwasyon karon, kaslunon nako karon sa akong uyab sud sa tulo ka tuig. Ang akong problema kay ni timaw pag balik akong uyab sauna na nawala lang kalit sa among relasyon, sa tinud anay lang nahigugma ko aning akong uyab sauna hangtud karon pero unsaon man na kaslunon naman ko, mayud pa niya na nawala siya ug kalit kay gi rehabilitate daw siya sa iyang parents somewhere sa minadanao dihang nagumon siya sa drugas tungod sa pagbiya nako na maoy gusto sa iyang mga ginikanan na wala maka uyon nako. Mga duha ka tuig siya una namaayo ug sa dautang palad namatay iyang mga ginikanan sa disgrasya na mao wala na gyud siya kapakita pa nako sulod sa tulo kapin katuig kay na depress daw siya ug karon gusto niya na magbalik mi kay wa man gyud miy magbuwag kay kung wala naman gali daw pulos iyang kinabuhi kay wala nako magpakamatay daw siya, mao na naglibug ko ug palihug tambagi ko.

Noel,

Noel,

Bro mas maayo na tuki-on gyud nimo tanan , timbang timbangon kung unsa kay tan aw nako balido iyang rason samot na na mahal pa diay nimo siya hangtud karon, pakigsulti sa imong uyab karon sultii sa tinuod kay way maayong padulngan inyong relasyon na minyo unya wala ka mahigugma niya ug makonsensya paka kung tinudon sa pagpakamatay sa imong x. Mao na nga choose the lesser evil. Naa gyuy masakitan pero timbanga kinsa ang bugat na imong pili-on. Ihangad kana sa langit ug pag ampo, Pit senyor!!!

(sa inyong tampo ipadala lang sa papajoesuperb@ gmail.com)