Dust in the wind
Laing mga adlaw ang milabay. Sa tan-aw ko kang Kier, inanay na siyang naka-move on. Maminaw na siya sa among propesor kon magleksiyon sulod sa among classroom. Di na sab siya kanunay maghinuktok.
“Happy ko sa nakita ron nimo, Kier.” Nagkadungan mi sa pag-esnak si Kier sa canteen usa ka buntag ana.
“Di ba giingon ko man nimo nga someday madawat ko ra gihapon ang nahitabo kang Geraldine.”
“So, life must go on?” Naka-smile ko.
Mipakibo si Kier sa iyang mga abaga. Miinom siya sa iyang softrinks, Pagkahuman mitan-aw siyag dugay nako. “Yap! Life must go on.”
Sa misunod pa gyung mga adlaw. madasigon na si Kier. Wa ko na makita sa iyang nawong nga nagmagul-anon siya. Tingali, sa hunahuna ko pa, nga sa iyang pagdawat sa reality nga di gyud para kaniya si Geraldine, nahiuban sab ani ang pagkawagtang sa iyang gibating kasakit. Aw, di lang kay kasakit sa dughan kondi nag-antos gyud siya nga maghunahuna sa sakit ni Geraldine.
Ug kay gikuha na man sa Diyos si Geraldine, di na kini mag-antos sa sakit nga kanser. Tingali, maoy naa sa kasingkasing ron ni Kier nga nakalingkawas na siya sa kaguol sa pagbiya sa dayon ni Geraldine kaniya.
Nangandoy ko nga unta, hatagan ni Kier og laing higayon ang iyang kaugalingon nga mahigugma pag-usab, nga magmahal siya pag-usab og laing babaye. Dunay mga gabii nga magdamgo ko kang Kier. Sa kanunay namong panagkuyog, sa kanunay kong pagpabatyag kaniya nga concern ko niya, na-develop pagayo ang hilom kong paghigugma kaniya.
Usa ka gabii, wa gyud ko magdahom ug magtuo nga mamisita si Kier nako. Nagdala pa siyag preskong buwak nga rosas.
“This is for you, Belinda.” Malipayon kaayo ko nga midawat sa mga buwak nga gitunol ni Kier nako. Ug sa iyang atubangan gihagkan ko ang mga buwak. Nindot kaayo ang smile ko kaniya. Unya gipalingkod ko siya. Milingkod ko sa iyang atbang.
“Milagro man nga gibisitahan ko nimo, Kier?”
“Aw, angay na sab tingali nga motan-aw kog laing girl, Belinda. Di man sab tingali daotan kon mahalon tika.
Ug sa unang higayon sulod sa kadugay na namong panagkaila ni Kier, nakita ko na gyud siya nga nagpahiyom. (KATAPUSAN)