SPLASH BROS. MIARANGKADA
Warriors mitalig 14 ka sunodsunod nga daog sa ilang pagpanulong
Wa igbali ni Kevin Durant kon mahimo lang siyang usa ka supporting role sa dihang sama kaniadto mipaulbo sa ilang opensa ang gitawag og Splash Brothers sa Golden State Warriors nga sila si Klay Thompson ug Stephen Curry.
Kagahapon, si Thompson mipabuto og 38 puntos, midugang si Curry og 30 aron putlan sa ilang sungay ang Chicago Bulls, 119-112, kagahapon alang sa ilang ika-14 nga way putol-putol nga kadaugan gawas sa ilang korte.
“It was an old-school Splash Brother game,” matod ni coach Steve Kerr.
Naobserbahan nga ang kahait sa Splash Brothers sa una, hinayhinay nga mihupas sa dihang sa kampo sa Warriors si Durant sa niaging season, apan napamatud-an nga ang panagparis makahimo ra diay gihapon sa butang nga ilang naandan kaniadto.
Si Thompson mipahagsa og pito ka triples sa 13 ka itsa sa three-point area samtang si Curry midugang og unom ka tres sa 11 ka attempt. Sila rang duha ang nakapuntos og tres sa tanang Warriors.
“When they got it going like that, you just play your role and know your place, man,” matod ni Durant kinsa adunay 19 puntos, walo ka rebounds ug pito ka assists.
Sa kadaugan, ang Golden State nagpaduol na nga matupngan ang ikatulong pinakataas nga sunodsunod nga daog gawas sa ilang korte sa kasaysayan sa NBA.
Ang Los Angeles maoy naghupot sa record nga 16 ka sunodsunod nga daog sa mga road games niadtong 1971-72 season.
Mosulong ang Warriors
(37-9) sa Houston Rockets karong Sabado nga maoy ilang katapusan sa lima ka sunodsunod nga biyahe sa pagpanulong o road games.
“It’s going to be a very tough game Saturday, probably the toughest of the trip,” matod ni Thompson.
“And if we could go undefeated on this road trip that would be incredible.”
Si Nikola Mirotic mitali og 24 alang sa Chicago (14-8).
Sa Oklahoma City, daw komportabe si Carmelo Anthony sa iyang bag-ong papel sa Thunder. Kagahapon mipuga si Anthony og 27 puntos sa ilang kadaugan batok sa Los Angeles
Lakers, 114-90.
Sa naandan niyang position, si Anthony maoy perming modasok sa bola nga maoy nakapahimo niyang usa sa mga maayong scorers apan si coach Billy Donovan mihatag kaniya og linahi nga paper nga mao ang pagdawat sa bola og itsa.
Nakita nga mas epektibo siya niini ug hayan dili na unya siya makopetensiya nila ni Russel Westbrook kinsa mikutlo og 19 puntos. Si Steven Adams milabnot og 21.
Sa laing mga duwa, gituhak sa Hornets ang Washington Wizards, 123-109, ug nadagit usab sa Atlanta Hawks ang Pelicans, 94-93.
Nagisi sa San Antonio Spurs ang Brooklyn Nets, 100-95, ug gipalyar sa Toronto Raptors ang Pistons, 96-91.
Gibuntog sa Memphis ang New York Knicks, 105-99, ug gipainitan sa Miami ang Milwaukee Bucks, 106-101, samtang gipasayaw sa Utah Jazz ang Sacramento Kings, 120-105.
Wa usab magpabitin ang Los Angeles Clippers ug ilang gipukan ang Denver Nuggets, 109104.