Ang Tubag ni Maria
Tulin kaayo ang dagan sa kasamtangang panahon. Maglisod gyod ta og apas sa mga bag-ong panghitabo o mga bag-ong kahimanan. Kanunayng gadagan ang bag-ong teknolohiya ug ang mga kabag-ohan niini mopadangat pod og kabag-ohan sa panghunahuna sa tawo. Gani, sumala pa sa mga batid sa sosyolohiya, ang panghunahuna kon “mindsets” sa ato kanunayng nagbag-o ilabina sa mga batan-on. Gawas pa niini, ang bag-ong teknolohiya nagahatag og dugang ug bag-ong gahum sa tawo, gahum nga may peligro kon dili ayohon paggamit.
Tulin pod ang dagan sa kinabuhi ni Jesus. Bag-o pa gani siyang mibiya sa sinagoga sa Capernaum, gihisgotan na dayon siya mahitungod sa hilanat sa ugangang babaye ni Simon. Giayo niya kini ug “sa pagkahapon na, sa dihang nisalop na ang adlaw, gidala nila ngadto kaniya ang tanan nga adunay mga sakit ug ang mga giyawaan. Ug ang tibuok lungsod natigom haduol sa pultahan. Ug giayo niya ang daghan nga may nagkalainlaing mga sakit ug gipapahawa niya ang daghang mga yawa…“Puno kaayo sa bulohaton ang normal nga adlaw ni Jesus. Daghang nadani tungod sa gahum nga iyang gipakita sa pagpang-ayo sa mga masakiton ug paghingilin sa mga giyawaan.
Unsa may gihimo ni Jesus taliwala sa katulin sa iyang adlaw? Nag-ampo siya: “Ug sayo pa kaayo sa kabuntagon, samtang ngitngit pa, miggula siya ug miadto sa usa ka awaaw nga dapit ug didto nag-ampo siya.” Kini ang gahum nga nagpahipi kang Jesus sa iyang misyon. Ug wala pod siya magpahigot sa usa ka Binasi sa Job 7:1-7; Salmo 147; 1 Corinto 9: 16-19, 22-23; ug Marcos 1:29-39 lugar: “Mangadto kita sa laing dapit, ngadto sa mga kasikbit nga mga lungsod, aron didto usab makasangyaw ako, kay alang niini ako mianhi.” Alang sa tanan ang misyon ni Jesus.
Taliwala sa katulin sa dagan sa kinabuhi ni Jesus, nagpabilin siyang maampuon ug konektado sa iyang misyon alang sa tanan. Mao kini ang naghatag og tinuoray nga pagkatulin sa iyang misyon. Mahimo man god nga daghan kitag kisaw apan walay padulngan ang atong gimbuhaton. Gatuyoktuyok lang diay kita.
Tinuod adunay laing rason kon nganong magtuyoktuyok kita sama, pananglit, si Job. Morag pagbudlay lamang ang iyang giatubang. Tulin kaayo ang dagan sa iyang kinabuhi, sama sa katulin sa dagan sa “himuanan og habol”. Apan morag kawang lamang ang iyang ginabuhat, daw walay kahulogan ug kulang sa paglaum. Lakip pod kini sa tawhanong reyalidad.
Lahi pod ang kahimtang nga gihisgotan ni Pablo sa iyang unang sulat ngadto sa mga taga Corinto. “Gihimo nako ang akong kaugalingon nga ulipon sa tanan aron makadani ako kutob sa labing daghan nga posibleng madani…Alang sa mahuyang nahimo akong mahuyang, aron madani ang mga mahuyang. Nahimo akong tanang butang alang sa tanan, aron pagluwas bisan pipila lamang.” Susama kang Jesus, tulin ug makahuloganon ang misyon ni Pablo.
Taliwala sa katulin sa dagan sa atong kinabuhi ug kalibutan, tagaan gyod nato og luna ang Dios. Diha kaniya lamang mahimong mabungahon ug makahuloganon ang atong kinabuhi. Top of FormBottom of Form Kanus-a man kita magsugod?