2 KA RESTO-BARS GIPASIRA NI LUIGI
Gipasirad-an na ni Mayor Luigi Quisumbing ang duha ka mga kontrobersyal nga bar sa Mandaue, ang Club Hatchi ug The Sentral human kini nakitaan og mga kalapasan sa city hall.
Ang closure order batok sa duha ka bars gipirmahan mismo ni Quisumbing kagahapon sa udto.
“They are a threat to public safety and public welfare. They were given a chance already to explain, it appears that their
explanation did not satisfy at
all,” matod ni city legal officer Atty. Omar Redula sa dihang nahinabi sa mga tigbalita kagahapon sa hapon.
Kahinumduman, ang Club Hatchi ug The Sentral Bar and Lounge inubanan sa MO2 Restobar gipangayuan og show cause order sa city hall human sila nihimo og kalihukan atol sa Sinulog sa milabayng buwan nga way special permit gikan sa city hall.
Atol ning pagsuwat, ang kaso sa MO2 Resto-bar, ipaubos una sa ebalwasyon sa CLO.
Ang tulo ka mga bar nihatag sa ilang tubag sa show cause
order niadtong Enero 29. Human niini, gitun-an kini sa CLO ang ilang mga tubag ug gi-imbestigar sa maong buhatan ang mga bar sa mga posibleng kalapasan.
Ang CLO maonihimo og rekomendasyon sa kalabot sa tulo ka bars ug ilang giduso ni QUisumbing niadtong Miyerkules.
“Public welfare in a form of noise disturbance nila sa ilang mga neighbors. Public safety, frequency of violent incidents in their premises,” pasabot ni Redula.
Dugang niya nga lakip sa nakaingon sa ilang pagpasara mao nga wa silay saktong permit gikan sa city hall sa ilang kalihukan pag-Sinulog.
Matod ni Atty. James Allan Sayson sa CLO nga ang duha ka bar parehong gireklamo sa ilang mga silingan establisamento ug mga residente kalabot sa kasaba niini.
Upat ka mga kalapasan ang nakita sa CLO nga mao ang mga mosunod: kalapasan sa ordinance kalabot sa pagkuha og special permit kon adunay mga espisyal nga kalihukan; kalapasan sa Fire Code of the Philippines; pagtaas sa mga insidente sa physical injuries sa bar nga nitaas niadtong Nobyembre ug Disyembre sa milabayng tuig ug reklamo sa mga silingan. “In the span of 1 year, they have 66 recorded incidents of physical injuries, 39 % of it involved the owner, bouncer and security guards. These people should’ve been the front liner of the safety of their patrons,” ni Atty. Sayson kalabot sa
Club Hatchi.
Sumala ni Sayson nga ila nang gipanglantawan nga daghan gyud nga mga kawani ang mawagtangan og trabaho nunot sa closure order.
Tungod niini, andam ang kagamhanan sa dakbayan nga i-refer ang mga kawani sa gipasira nga bar sa Public Employment Services Office (PESO) aron makatrabaho pag-usab ug ipaubos sa skills training.
Sobra sa 50 ka mga kawani ang makabenipisyo unya niini, matod ni Sayson.
Paambit niya nga wa pay desisyon ang sa MO2 Restobar tungod kay nalambigit kini sa
/