LTO Mandaue miabli sa JCenter Mall, serbisyo gipaabot nga mopaspas na
Mas mopaspas na unya ang pagpanghatag sa lisensya sa mga drayber nga molukat sa ilang lisensya sa Land Transportation (LTO)- Mandaue Licensing Center.
Kini human nga giablihan ang ilang buhatan sa JCentre Mall nga dunay kapasidad nga moprinta sa plastic driver’s license card nga adunay lima ka tuig nga validity.
Niadtong Huwebes sa hapon, si Mayor Luigi Quisumbing ang nanguna sa ceremonial printing sa LTO sa JCentre Mall. Singko minutos lang, nakuha na ni Quisumbing ang iyang lisensya.
Nasuta sa Superbalita Cebu nga ang bag-ong feature sa lisensya nga black and white ang kolor ug sa kadtong mokuha og bag-ong lisensya kinahanglang nahibaw na daan sa ilang blood type.
Nahuman ni Quisumbing ang iyang proseso sud lang sa 6 ka minutos ug 21 segundos lakip sa pagkoriher sa sayop.
Matod ni Quisumbing nga dako niyang kalipay nga ang Mandaue maoy nag-una nga LTO center sa rehiyon nga makuha na ang lisensya nga adunay 5 ka tuig nga validity.
Paambit niya nga ang kapabilidad sa bag-ong kahimanan nga makaprinta og 20 ka cards pataas sa usa ka adlaw.
Si Quisumbing nagkanayon nga mag-overtime sad ang mga kwani sa LTO aron mahimo ug maprinta ang backlog nga 39,000 ka mga lisensya sukad sa 2016.
Mag-over time ang LTO sa pagpang-release sa lisensya ug abli sab ang maong buhatan suds a mall matag Sabado.
“We fought a lot since 2011 on how to give the best service to Mandauehanons," matod ni LTO Assistant Regional Director Alita Pulga sa iyang pakigpulong.