22nd Bible Workshop gipahigayon sa Prince Hotel
Ang mensahe sa Bibliya makahatag og mga pagtalun-an, kalinaw sa pangisip sa tawo, ug pagserbisyo ngadto sa Ginoo apan unsaon kini pagpadayag ngadto sa katawhan?
Usa sa mga naghimo'g posibilidad bahin niini mao ang koordinasyon sa Episcopal Commission on Biblical Apostolate of the Catholic Bishops' Conference of the Philippines ug ang St. Jerome Biblical Center nga nagpahigayon gna ika-22 Bible Workshop nga adunay temang “Becoming Servant Leaders of the Word in the Church Today.”
Ang workshop gipahigayon sulod sa 4 ka adlaw ngadto sa Golden Prince Hotel dakbayan sa Sugbo.
Aduna kini lainlaing mga aktibidades nga gipresentar alang sa mga nisalmot niini. Mao ang Eyukaristiya nga selebrasyon, Inspirational Talks, Bible Enthronement, Open Forum ug uban pa.
Ang tumong sa maong programa mao ang paggamit sa Bibliya ingon nga giya alang sa adlaw-adlaw nga pagpuyo.
Ang Arsobispo sa Cebu nga si Most Rev. Jose Palma usa sa mga nisalmot sa maong workshop isip main celebrant atol sa ilang Liturgical Celebration.
Ang mga prinsipyo sa Bibliya makatabang sa pagkab-ot sa tinuod nga kalamposan ug kalipay sa tawo.
Mitambong sab sa maong programa sila Most Rev. Sofronio Bancud, CBCP-ECBA Chairman, Most Rev. Broderick Pabillo, Most Rev. Victor Ocampo ug si Most Rev. Pablo Virgilio David.
Usa kini sa dakong tapok para sa panaghiusa sa mga nagserbisyo alang sa pulong sa Ginoo.